روايه كامله مختلفه

العصير الذي أحضرته السكرتيرة قبل بضع لحظات
بصي يا مدام أماني أنا هكون صريح معاك وهحاول أوضح ليك الصورة كاملة أحمد متهم بابتزاز هبة وفبركة ونشر صور مخلة ليها وده في حد ذاته چريمة يعاقب عليها القانون بالسجن مدة لا تقل عن سنتين ولا تزيد عن خمس سنوات ده غير طبعا الغرامة المالية ولو حاول يجبرها من خلال تهديده ليها على فعل شيء مخل بالشرف ساعتها هيبقى مصيره السچن المشدد بس اللي أنا فهمته من كلامك أنه مطلبش منها فعل أي شيء مخل بالشرف وده معناه أنه كده مش هيكون مصيره السچن المشدد.
تساءلت أماني وهي تشعر بالخۏف على ابنها فهي لا تريده أن يقضي ليلة واحدة داخل السچن
طيب يا أستاذ صلاح هو مفيش أي طريقة تساعدنا نطلعه من القضية دي خالص
أطلق صلاح تنهيدة قصيرة قبل أن يجيب بجدية
الحالة الوحيدة اللي ممكن أحمد يخرج فيها من القضية دي خالص هو أننا نثبت أنه ملهوش أي علاقة بنشر صور هبة وبالنسبة لموضوع أنه ابتزها وهددها فأنا على حسب ما فهمت من كلامك أنها مش معاها أي شيء يثبت أنه هددها من الأساس.
تحدثت أماني بصوت مبحوح بعدما ابتلعت غصة مريرة لا تقل في قسۏتها عن القهر الذي تشعر به
الكل مصدق أن أحمد هو اللي نشر الصور المتفبركة لهبة بس أنا متأكدة أنه مستحيل يعمل حاجة زي دي حتى لو كان هددها في لحظة ڠضب بأنه هيعمل كده لو هي سابته وواثقة مليون في المية أن فيه شخص تاني استغل كل اللي حصل عشان يخلص من ابني.
رفع صلاح أحد حاجبيه وهو يسألها بدهشة
أنت عندك شك في حد معين وشايفة أنه هو اللي استغل تهديدات أحمد لهبة عشان يوقعه في الفخ ده!
احتدت نظراتها وسيطر الجمود على ملامحها قبل أن تردف بصوت يحمل الكثير من الڠضب والحقد الذي يستوطن قلبها
أيوة طبعا فيه شخص أنا شاكة فيه وواثقة أن هو اللي عملها ومفيش حد غيره له يد في كل اللي حصل مع هبة وأحمد.
وقبل أن يسألها صلاح عن هوية هذا الشخص الذي تشك به أخذت تتحدث وتخبره بكل شيء يخص ابنها وطفولته ووضحت له

________________________________________
الأسباب التي تجعلها واثقة بكل كلمة تقولها.
ألف مبروك يا مروة ربنا يقومك بالسلامة يا حبيبتي أنت متعرفيش أنا فرحت ليك قد إيه لما أنت قولتي أنك حامل.
أطلقت هبة هذه العبارة تهنئ بها مروة بعدما أخبرتها الأخيرة بحملها بالطفل الذي تنتظر قدومه إلى هذه الحياة على أحر من الجمر.
ظهرت ابتسامة واسعة على شفتي مروة وهي تردد بفرحة
الله يبارك فيك يا حبيبتي وعقبالك أنت مش متخيلة أنا مبسوطة إزاي النهاردة وفرحتي زادت لما أنت جيتي تزوريني هنا في شقتي.
منحتها هبة بسمة بشوشة وهي تقول
أنا جيتلك النهاردة عشان أقولك على حاجة هتفرحك أوي.
تحمست مروة لسماع ما ستقوله هبة وظهر هذا الأمر في قولها
طيب ومستنية إيه قولي بسرعة وفرحيني معاك.
ابتسمت هبة ورفعت كفها الأيمن في وجه مروة قاصدة أن تريها الخاتم الذي أحضره مالك كهدية بمناسبة عيد ميلادها
أنا ومالك هنتخطب يوم الخميس الجاي وأنت أول واحدة تعرفي بالموضوع ده.
وعلى عكس ما توقعت هبة فقد اختفت الابتسامة من وجه مروة التي رددت باستنكار شديد يشوبه الكثير من الحدة
إيه الكلام اللي بتقوليه ده يا هبة! مالك مين اللي أنت هتتخطبيله يوم الخميس الجاي!
أجابت هبة وهي تشعر باستغراب شديد من تبدل حال صديقتها
يعني هيكون مالك مين اللي هقصده بكلامي يا مروة هو إحنا نعرف كذا واحد اسمه مالك!
تأملت هبة ملامح مروة التي احتقنت قبل أن تضيف
أنا فكرت أنك هتفرحي لما تعرفي أني نسيت أحمد وهقدر أكمل حياتي مع شخص بيحبني مكنتش متصورة أنك هتضايقي بالشكل ده!!
هبت مروة واقفة وهي تصيح باستهجان شديد فما سمعته على لسان رفيقتها يعد وجه من أوجه الجنون الشديد
حب إيه ونيلة إيه بس اللي بتتكلمي عنه هو أنت مستوعبة أصلا وفاهمة معنى الكلام اللي بتقوليه ومدركة أنك عايزة تتخطبي لمالك أخو الحية آية اللي لجأت للسحر عشان تفرق بيني وبين جوزي!!
شعرت هبة بالضيق بسبب الحكم المتسرع الذي أصدرته مروة في حق مالك وحاولت أن تدافع عن القرار الذي اتخذته بقولها
أنا مقدرة شعورك يا مروة وعارفة كويس أن آية غلطت في حقك بس مينفعش أحكم على شخصية مالك وأنكر كل حاجة حلوة شوفتها منه لمجرد أنه يبقى أخو آية.
ارتفع صوت مروة وصاحت بنبرة حازمة
كون أن مالك يبقى أخو آية فده سبب كافي يخليك تفكري مليون مرة قبل ما ترتبطي بيه.
سيطر الحزن على ملامح هبة التي حملت حقيبتها تنوي المغادرة ولكن أمسكت مروة بذراعها صاړخة
مش هتمشي من هنا يا هبة غير لما تعقلي وتفوقي من الجنان اللي أنت فيه.
سحبت هبة ذراعها من كف مروة وابتلعت غصة داخل حلقها قائلة بهدوء مزيف
واضح أن أعصابك تعبانة شوية يا مروة ومزاجك مقلوب