روايه جميله

وها هي أخيرا وجدت من أحبها ولكنها للأسف فقدت السعادة للأبد.
فاجأتها سدرة تسألها أمال فين الدكتور ياسر والولاد 
ردت غصون بهدوء ملوش في جو الحفلات والكلام ده وكمان كان واعد الولاد يخرجهم النهاردة
تدخل آسر قائلا أنتي هتقوليلي عليه دا بيحضر مناسباتنا بأعجوبة بس كان عندي عشم أشوف يزيد ويزن النهاردة
ردت غصون و متجيش تشوفهم ليه أنتي عارف يزيد بيحبك إزاي وهيفرح اما يشوفك 
رد عليها آسر هو كمان واحشني اوي والله خلاص إن شاء الله بكرة ابقى أجيب سدرة ونيجي نقعد معاكم شوية ثم نظر إلى سدرة التي تنظر إلى مكان بسعادة وسألها ولا إيه رأيك يا سدرة 
زادت إبتسامتها وقالت طبعا مفيش مشكلة شوفت يا آسر المأذون جه هناك أهوه 
دقائق مرت وانتهى المأذون من إجراءات عقد القران الذي مر علي سدن كأنها ساعات طويلة وقلبها يخفق بشدة منذ أن وضع تميم يده في يد أبيها ولكنه نظره وقلبه معها بكل حب حتى انتهى المأذون بارك الله لكما وبارك عليكما وجمع بينكما في خير 
أخيرا يا سدن أخيرا

أنتي عارفة انا استنيت اد إيه عشان اللحظة دي انت عارفة انا كام مرة حلمت باللحظة دي
أكيد أنا مش بحلم ياتميم صح
ل لا مش حلم يا قلب تميم أنتي خلاص بقيتي بتاعتي لآخر العمر وياريت النهاردة كان فرحنا بدل خطوبتنا وكنت رجعت بيكي على بيتنا ومفترقتش عنك لحظة
ابتسمت له بسعادة 
اجتمع حولهما الجميع مباركين لهما بسعادة حتى جاءت غصون بحب وهمست لها بحنان ألف مبروك ياسدن مش هقولك انا فرحانة لك اد إيه 
تمسكت سدن هي الأخرى بها وقالت بعيون دامعة الله يبارك فيكي يا غصون بتفكريني بحنية حضڼ أمي
حينها أدمعت غصون هي الأخرى وقالت الله يرحمها مفيش حد بحنانها
كانت قريبة منهم سدرة التي أدمعت هي الأخرى وقالت خلاص ياجماعة احنا عايزين نفرح
وأنا فرحتي بوجودكم معايا 
ردت غصون ربنا يسعدكم ياحبايبي أنا همشي انا عشان الولاد زمانهم محتاجيني 
ردت سدن بتعجب تمشي إزاي يا غصون لسه تلبيس الدبل
ردت غصون بإرهاق معلش يا سدن ابقى ابعتيلي الفيديو وأنا هبقي اكلمك
استسلمت سدن وردت بحزن ماشي يا غصون بس ابقى طمنيني عليكي
هزت غصون رأسها وسارت تغادر المكان فهي ليس لديها طاقة حاليا على مجاملة احد بكلمة او إبتسامة كل ما تحتاجه أن تبتعد عن الجميع وتنفرد بنفسها ولو قليلا وقبل أن تخرج استوقفها صوت سدرة تناديها غصون. غصون 
وقفت غصون والټفت لها متعجبة فاقتربت منها سدرة تسألها بهدوء فيه حاجة يا غصون 
تعجبت غصون من ذلك وسألتها هي الأخرى حاجة إيه يا سدرة
ردت عليها سدرة بملامح قلقة شكلك تعبان او مضايقة من حاجة
هزت غصون رأسها نافية وقالت مفيش حاجة أنا كويسة
رفعت سدرة يدها ومسكت ذراع غصون بحنان وقالت إحنا إخوات يا غصون لو احتجتي أي حاجة انا موجودة
ابتسمت لها غصون وقالت طبعا ياسدرة متحرمش منك أبدا
طب اقول لآسر يجي يوصلك
هزت غصون رأسها نافية وقالت لا ياحبيبتي ملوش لزوم ارجعي لجوزك شكله بيدور عليكي 
أومأت لها سدرة وسارت غصون أمام عينيها فجاءها صوت آسر سدرة
التفتت له وتنهدت بحزن وردت عليه أيوة يا آسر
سألها بإهتمام مالك إيه مزعلك ومشيتي ليه 
ردت عليه بأسى غصون عينيها حزينة أوي حاسة إن فيها حاجة صعبانة عليا اوي 
أمسك ياسر كفها بحنان وقال متقلقيش غصون إنسانة قوية وحمولة وبتقدر تتخطى أي صعب بطيبة قلبها وأنا هبقي اكلم آسر أشوف لو فيه حاجه
ثم نظر لها بإبتسامة وقال شوفتي بقى إنك قلبك كبير وبتهتمي باللي حواليكي إزاي مش زي ماانتي شايفة نفسك 
تاهت في جمال عينيه وردت بشرود فيها أنت اللي غيرت فيا كل حاجة خليتني اشوف الدنيا بشكل مختلف 
القسۏة دي كان قناع كنتي بتخبي طيبة قلبك وضعف مشاعرك وراه إنما مكنتش خصلة فيكي 
قاطع تلك اللحظة الحانية بينهما صوت انثوي آااااسر!!!
الټفت كل منهما على ذلك الصوت لتجد سدرة فتاة تقاربها في العمر بجسد نحيل ترتدي فستانا باللون الأصفر يتعلق في كتفها الأصفر بحبل رفيع ويعلو ركبتها ببضع سنتيمتراات يكشف ذراعيها بشكل مستفز كما يظهر ساقيها بالإضافة إلى الزينة الكثيفة التي وضعتها على وجهها وشعرها الأصفر المصبوغ المتحرر حول وجهها بشكل فوضوي.
رد عليها آسر بإبتسامة باهتة سارة ازيك
اقتربت منه من وجنتيه في سلام عابر ثم ابتعدت عنه وردت بعتاب فينك يا آسر مبقاش حد بيشوفك
كانت مازال كفه يمسك يد سدرة التي عندما رأت ذلك سحبت يدها من كفه بغيظ مكتوم وظلت تشاهد ذلك الحوار.
رد عليها آسر بحرج مبقتش أفضى زي زمان وكمان 
قاطعته سدرة تقول وهي تضغط على أحرف الكلمة بإبتسامة باردة وكمان اتجوز
ابتسمت الفتاة وغمزت لآسر بمرح قول بقى كده ع العموم ألف مبروك.
ثم نظرت إلى سدرة وقالت بإبتسامة اتشرفت بيكي ياعروسة عن إذنكم وتركتهم وذهبت بعيدا إلى إحدى الطاولات.
هآخدك بعد الخطوبة مكان هيبهرك عشان اعملك فيه أحلى سيشن لأحلى عروسة
نظرت له بتعجب وقالت إحنا النهاردة اتصورنا صور