روايه ادم وفريده كامله
المحتويات
بس لقيت أدم ادامها
أدم فين ماما
فريده طلعت تنام
أدم انتي لازم تنامي بدري عشان الدراسه قربت
فريده ادايقت انه بيعاملها على انها طفله فبصتله وسكتت
أدم يلا اطلعي اوضتك تصبحي على خير
وسابها أدم لوحدها ودخل اوضة المكتب بتاعته عشان يكمل شغل وهي طلع
اوضتها خدت شاور و نامت نوم عميق.
الحلقه الرابعه
الايام اللي بعد كده قضتها فريده مع عمتها يشتروا حاجات جديده لفريده قبل بداية السنه الدراسيه وكانت فريده فرحانه اوي وخصوصا انها بقت متعلقه بعمتها كأنها مامتها بالضبط وكانت اغلب اليوم بيقضوه سوا أما أدم كان بيجي البيت قليل اوي عشان مشغول جدا بس كانت فريده ساعات تلاقيه بيعوم في البيسين بالليل او الصبح بدري و و قبل الدراسه بيوم جت الشغاله تقول لفريده ان أدم عايزها في مكتبه
أدم تعالي اقعدي يا فريده
فريده نعم
أدم افتحي العلبه اللي ادامك ده
فتجت فريده العلبه لقيت لاب توب لونه فوشيا فبصت لأدم باستغراب
أدم انا جبتهولك عشان اكيد هتحتاجيه في دراستك
فريده متشكره اوي
أدم اهم حاجه عايزه تكوني متفوقه في دراستك
فريده ان شاء الله
أدم تقدري تروحي اوضتك عشان بكره السواق هيوصلك الجامعه الصبح
فريده عن اذنك
أدم من غير ما يبصلها كان بيشتغل عاللاب توب بتاعهاتفضلي
طلعت فريده اوضتها وهي مش عارفه تفهم أدم هو طيب ولا قاسې وليه بيعمل معاها كل ده عشان بنت خاله
الصبح صحيت فريده بدري ولبست جينز ازرق وعليه بلوزه صفرا وكوتشي ابيض وعملت شعرها ضفيره لورا وحطت ميك اب خفيف
و نزلت لقيت عمتها وأدم مستنينها على الفطار
سلوى صباح الخير يا حبيبتي ها مستعده للدراسه
فريده ان شاء الله
أدم خلي بالك من نفسك السواق مستنيكي فالعربيه وهيستناكي لما تخلصي
فريده بصتله وقالتحاضر
وبعد الفطار قام أدم وفريده وخرجوا من باب الفيلا سوا و فتحلها باب العربيه اللي ورا واداها فلوس
فريده ايه ده
أدم ده مصروف ليكي عشان لو احتجتي حاجه
أدم وبعدين اسمعي الكلام
وقفل أدم باب العربيه والسواق اتحرك وفضلت فريده تبص على أدم لغاية ما اختفى عن عينيها وصلت عند باب الجامعه و نزلت ودخلت الكليه بتاعتها وعرفت المكان اللي هتدرس فيه اول ماده وهتاك اتعرفت على بنتين هنا و ليان وقضوا اول يوم مع بعض والبنتين كانوا بيدرسوا في مدرسه المانيه في مصر وفريده ارتاحت لهم اوي وآخر اليوم لقيت فريده السواق مستنيها ورجعت البيت لقيت أدم موجود في الجنينه
فريده مساء الخير
أدم مساء النور ها عملتي ايه انهارده
فريده الحمد لله
أدم طيب كويس
فريده كانت عايزه تحكيله عن صاحباتها بس هو مكنش باصصلها وكان بيقرا ورق شغل فاستأذنت ودخلت الفيلا وقابلت عمتها وحكتلها كل اللي حصل في اول يوم دراسه .
فريده الو
ليان الو يا فري
فريده ها عندك اخبار
ليان تدفعي كام
فريده قولي بقى
ليان مبروك طلعتي التانيه عالدفعه
فريده بجد
ليان ايوه يا بنتي النتيجه عالنت
فريده وانتي وهنا عملتوا ايه
ليان الحمد لله نجحنا
فريده مبروك
ليان لازم نخرج انهارده نحتفل
فريده مش عارفه أدم هيوافق ولالأ
ليان قولي لعمتك تقوله
فريده هحاول واتصل بيكي
ليان هستناكي
فريده اوكيه باي
ليان باي
نزلت فريده لقيت عمتها موجوده في الانتريه
فريده طنط
سلوى نعم يا حبيبتي
فريده انا طلعت التانيه عالدفعه
سلوى مبروك يا حبيبتي روحي فرحي أدم هو موجود فالمكتب
فريده اوكيه
وقفت فريده على
باب المكتب متردده وبعدين خدت نفس وهي مش عارفه ايه سر الرهبه اللي بتحسها ناحية أدم
فريده أدم
أدم تعالي يا فريده عايزه حاجه
فريده النتيجه ظهرت
أدم بصلها وساب الورق اللي في ايدهعملتي ايه
فريده طلعت التانيه عالدفعه
أدم ابتسم مبروك الف مبروك
بصتله فريده جامد عشان كان اول مره تشوفه بيضحك الله يبارك فيك
أدم اختاري اي هديه
فريده بصوت متردد ممكن اخرج مع صاحباتي انهارده
أدم بصلها اويه تروحوا فين
فريده مش عارفه لسه
أدم اوكيه يا فريده بس السواق هيوصلك ويستناكي عشان يرجعك
فريده وهي مش مصدقه انه وافق متشكره يا أدم
أدم وهو شايف الفرحه فعينيها روحي جهزي نفسك بقى
و جريت فريده عشان تكلم ليان ويتفقوا على المكان اللي هيسهروا فيه وبعد ما كلمت ليان وقفت ادام الدولاب واختارت فستان ابيض قصير وشوز فلات بيضا شنطه صغيره وحطت حزام رفيع دهبي ولبست حلق لونه دهبي وحطت ميك اب رقيق و فردت شعرها ونزلت لقيت أدم واقف عند الباب حاطط ايده في جيبه وكان بيبصلها وهي نازله من فوق وده كان اول مره يشوفها حاطه ميك اب و شعرها مفرود ولما وصلت فريده لآخر السلم خرجت عمتها من الانتريه وقالت
سلوى شايف يا أدم فريده كبرت ازاي
أدم آه فعلا فريده متتأخريش عن الساعه 9
فريده حاضر
وخرجت فريده وركبت العربيه وفضل أدم باصص عليها وهو قلقان عليها عشان اول مره تخرج لوحدها في مصر
الحلقه الخامسه
وصلت فريده الكافيه اللي هتقابل فيه هنا وليان وقعدوا
متابعة القراءة
