روايه ادم وفريده كامله

قعدوا يقولوا بصوت عالي
شيلها.. شيلها..شيلها
وقبل ما فريده تقول لأ كان أدم شالها بين ايده وابتدى يطلع بيها السلالم وهي كانت ھتموت من الكسوف و فتح أدم الباب وهو شايلها ودخلوا جوه وقفل الباب برجله وفضل باصصلها ونزلها براحه وقالها
أدم كان شكلك زي القمر
فريده شكرا
أدم انا هغير في الليفنج خدي راحتك
و راح أدم يقعد في الليفنج وفريده فضلت قاعده عالسرير مش عارفه تعمل ايه وكان الفستان كبير وكله فيونكات شرايط من ورا وهي مش عارفه تفكه لوحدها وات ربع ساعه ودخل أدم عليها عشان ياخد هدومه من الدولاب فلقيها لسه بالفستان فقالها
أدم مغيرتيش ليه يا فريده 
فريده اصل ..
أدم انتي تعبانه
فريده لأ بس محتاجه حد يساعدني
أدم قولي محتاجه ايه
فريده وهي ھتموت من الكسوف اصلي مش عارفه افك الفستان من ورا
أدم بس كده تعالي افكهولك
و وقفت فريده وقرب منها أدم وبعد 
وخرج أدم وخد بيجامته معاه وساب فريده لوحدها ولما اتأكدت انه خرج شالت ايديها والفستان وقع على الارض فدخلت الحمام وفضلت تشيل الميك اب و تفك شعرها وخرجت فتحت الدولاب ولبست بيجاما ساتان بكم بيضا وفردت شعرها و علقت الفستان ودخلت عالسرير واتغطت لغاية دقنها وفضلت تفكر ليه ميكنش ده يوم فرحهم الحقيقي وفضلت صاحيه كتير بس نامت في الآخر قبل ما أدم يجي وبعد ساعه دخل أدم الاوضه لقي النور مطفي ما عدا الاباجورات ولقي فريده نايمه زي الملايكه وشعرها مفرود عالمخده وقرب من السرير ودخل وقعد يبصلها وقعد يدعي ربنا انها تحبه وتنسى مراد وهو باصصلها لقاها بتتحرك ولقي الدموع بتنزل من عينيها وهي نايمه فقرب منها وطبطب عليها راحت لفت.
فريده حست ان في تقل عليها ففتحت عينيها بالراحه لقيت أدم نايم و دراعه حواليها فاتكسفت ومعرفتش تبعد دراعه فعملت نفسها نايمهبس كانت خاېفه 
بيبصلها وهو لابس
البرنس
أدم صباح الخير
فريده صباح الخير
أدم انا هخليهم يطلعوا الفطار تحبي تشربي ايه
فريده نيسكافيه
أدم كلم الشغاله في المطبخ وطلب الفطار
وأدم بيتكلم قامت فريده دخلت الحمام وخدت شاور وخرجت لابسه البرنس ولافه شعرها بفوطه كبيره وقعدت على كرسي التسريحه وابتدت تنشف شعرها الطويل وجه أدم من وراها 
أدم ممكن اسرحهولك
فريده استغربت بتعرف
أدم وهو بيضحكهتعلم
ومسك أدم المشط وابتدى يسرح شعرها وهي غمضت ايديها وسرحت بعيد.
أدم شعرك جميل اوي
فريده بس نفسي اقصره
أدم اوعي تعملي كده ابدا
فريده ليه ما هو هيطول تاني
أدم اوعديني عمرك ما هتقصيه
فريده طيب حاضر اوعدك
و خبط الباب وخد أدم العربيه اللي عليها الفطارودخلها و راح لبس تيشيرت ابيض وشورت كاروهات اسود في ابيض وفريده لبست فستان قصير لونه بينك كات وسابت شعرها مفرود وقعدوا يفطروا مع بعض
أدم انا اخدت اجازه اسبوع تحبي تسافري فين
فريده انت عمرك ما اخدت اجازه
أدم بسخريه مش انا عريس ولا ايه
فريده وشها احمرآه صحيح
أدم ايه رأيك نسافر فرنسا
فريده اوكيه
أدم خلاص هحجز بكره الصبح على اول طياره
فريده طب و طنط
أدم اكيد ماما هتفرح لما نسافر اسبوع عسل ولا ايه
فريده اتكسفت ومردتش عليه
بعد ما خلصوا فطار الباب خبط فتح أدم كانت سلوى 
سلوى صباح الخير يا حبيبي مبروك الف مبروك يا فريده 
أدم الله يبارك فيكي
فريده شكرا يا طنط
سلوى انا جبتلك هدية الجواز
كان مع سلوى علبه لونها اسود فيها خاتم سوليتير شيك اوي وقدمته لفريده 
فريده ده حلو اوي يا طنط متشكره
سلوى ده كان هدية بابا أدم يوم فرحي
فريده بس ده ذكرى من انكل الله يرحمه خليه مع حضرتك
سلوى وانا عندي اعز منك يا حببتي
وحضنوا بعض وبعدين أدم قال لمامته انهم هيسافروا فرنسا اسبوع وهي اتبسطت جدا
ونزلت سلوى وسابتهم لوحدهم تاني..
أدم ايه رأيك ننزل البيسين سوا
فريده فكره حلوه
أدم طيب روحي غيري وانا هستناكي تحت
وخرج أدم وساب فريده تغير هدومها ونزل هو غير عند البيسين ولبس مايوه لونه اصفر فوق الركبه ونزل عقبال ما فريده تنزل وبعد ربع ساعه بص أدم لقي فريده جايه بس مكنش مصدق عينيه
الحلقه السادسة عشر
أدم بص لقي فريده لابسه مايوه بيكيني احمر وعليه كاش مايوه لونه اسود جميل وقربت من البيسين وقلعت الكاش مايوه ونزلت المايه
وراحت تعوم جنب أدم اللي ملقيش حاجه يقولها و ابتدوا يتسابقوا وهما بيضحكوا وفريده كانت مصره تكسبه و هو سابها
تسابقه شويه وبعدين سبقها ففريده حاولت تكسبه بس جالها شد عضلي و أدم افتكرها بتهزر بس لقيها بتحاول تخرج من المايه ومش عارفه راح أدم نده عليها و رجعلها بسرعه و راح شالها وخرجها بره الميه
فريده وهي بتكحاحسن الحمد لله
أدم مكنش فيه داعي تعومي بسرعه
فريده كان نفسي اسبقك
أدم خلاص المره اللي جايه هخليكي تسبقيني
فريده ضحكت وهو ضحك كمان وبعدين بصوا لبعض وسكتوا وراح أدم قام فجأه وقالها يلا عشان نطلع نغير هدومنا عشان متبرديش
قامت فريده وهي مش عارفه مالها وطلعوا سوا دخل أدم الحمام الاول خد شاور ولبس شورت نبيتي وتيشيرت بيج وخرج وفضل يستنى في الليفنج