ضد الانصاري_كامله

عنه كل التعب ظل متمسك بها لدقائق ثم احتضن صديقة و زوج أخته الذي أتي لإستقباله..
حازم بحماس يلا يا عيوش نتغدا بقي بصراحة بقي دا أهم حاجه بتحصل في اليوم اللي أنت بتيجي فيه بيبقي أحلي وجبة ممكن اكلها لشهور..
حسين بضحك ليه يا ولد قصدك إن بنتنا مبتعملش أكل حلو زي أمها!!
حازم لا لا أنا في عرضك! هتوقعني في الغلط ليه بس..
عائشة بسعادة ادخل يا حبيبي غير هدومك علي ما نسخن الأكل أنا عملتلك كل حاجه انتي بتحبها انا عارفه ان وحشك أكل أمك..
حسين بإشتياق بس أنتي وحشتيني أكتر عاوز اقعد معاكي شوية..
حازم طب أنا هنزل أشتريلكم طبق كنافة بالبسبوسه علشان نبقي نحلي بيه..
عائشة مفيش داعي يا حبيبي هعملكم انا حاجه حلوة..
حازم لا كفاية عليكي اوي اللي عملتيه النهاردة هنزل أنا اشتري و هجيبلك الشكولاته اللي بتحبيها..
خرج حازم وبالأصل قرر تركهم سويا ليتحدثوا دون حرج جلسوا ثلاثتهم علي الأريكة ينظرون لبعضهم بإشتياق..
عائشة بدموع كدا يا حسين كل الغيبة دي! هان عليك تغيب عن أمك أربع شهور بحالهم!! 
حسين أنا آسف والله العظيم أنا مبقيتش عارف اخد أجازة خالص والله ڠصب عني.. 
عائشة قولي يا حبيبي عامل إيه! بتاكل كويس و مبسوط ولا الشغل بيتعبك.. 
حسين مبسوط و مرتاح ربنا رزقني بإتنين صحاب زي الفل و محترمين و حالتهم بردو زيي كدا و قعدنا في أوضة واحدة و لو حد فينا عمل حاجه غلط التاني بينبهه.. 
بس في واحد منهم مچنون ودماغه طايره إسمه فرج تخيلي يا ماما في واحد أجنبي معجب بيه.. 
عائشة پصدمه يلهووي.. 
حسين بضحك اه والله ويا عيني بيفضل طول الوقت هربان منه وإحنا طبعا ماسكينه تريقه.. 
حور طبعا متبقوش صحاب إلا لو عملتوا كدا.. 
حسين بإبتسامة التاني بقي في دنيا تانيه لو الدنيا ولعت حواليه لا مش هنا خالص بس بتاع بنات حبتين بس أهوه بنحاول نخليه يمشي عدل وهو بردو حاطط في الإعتبار إنه عنده أختين بنات و بيحاول دلوقتي يجهزهم ويجوزهم.. 
عائشة لوحده!
حسين آه يا ماما والده مټوفي و والدته ست كبيره.. ربنا يعينه.
عائشة طب و أخواته تعرفهم! 
حسين لا أنا مشوفتش حد منهم.. 
عائشة طب ما تشوف كدا يمكن نخطبلك واحدة منهم أهوه أنت تراعي ظروفه وهو يراعي ظروفك.. 
حسين إيه يا ماما الكلام دا!! 
حور لا يا ماما حسين تعب أوي علشان يعيشنا عيشة كويسه وعلشان يعلمني ويجهزني هو كمان حقه يختار اللي يحبها مش يدور علي جوازة متكلفهوش.. 
عائشة أنا مش قصدي يا بنتي والله أنا بقول يعني ليه ميشوفهاش ولو معجبتوش يبقي خلاص.. 
حسين مفيش الكلام دا يا ماما وأنا ايه هيخليني أشوفها.. 
عائشة نعزمه انا عاملة جمعية هقبضها و نعزمه هو وصاحبك التاني و أهلهم..
حسين بس يا ماما.. 
عائشة مفيش بس أنتي إيه رأيك يا حور!! 
حور تمام اه يشوفها الأول.. قولت إيه يا حسين 
حسين بتعب خلاص خلوني أفكر..
وضع يده علي مقبض ذلك الكرسي المتحرك بذلك المعهد الخاص بالأورام نظرت له السيدة التي تدفع الكرسي و شهقت بسعادة..
كريمة فرج!!
رفعت تلك الجالسه رأسها تنظر بلهفه وصړخت بسعادة بإسم إبنها الذي جلس علي ركبتيه وضمھا وهو يبكي.. 
أصبحت منهكه ومتعبه برغم أنه كان معها منذ أسبوعين ولكنها تبدو مرهقه عن ذي قبل.. 
قبل رأسها ويدها عدة مرات وهي قبلته في خديه بحب كبير وضمته مرة أخري..
منال يا حبيبي أنت جيت إمتي
فرج أنا جيت علي هنا أنا عارف إن عندك جلسة النهاردة أنا هبقي معاكي النهاردة إتحسني بقي يا ماما علشاني عشان أنا مليش حد غيرك..
منال بدموع وأنا مش بحارب غير علشانك يا حبيبي..
...........................................
جلس ينظر للطعام يحاول الفرار فلقد أصبحت معدته ممتلئه علي وشك الإڼفجار..
سعاد طب هغرفلك حتة مكرونة بالبشاميل كمان علشان خاطري يا أنس إنت مأكلتش حاجه!!
الاء بضحك بصي أنتي تكتفيه و تقعدي تزغطي فيه أحسن..
نور بضحك حبيب قلب الماما خلاص بقي عامل زي الكورة محتاج فوار فواكه..
أنس بإبتسامة متغاظين شايف أنا الغيرة علي وشوشكم هتطقوا من الغيرة صح يا ماما!
سعاد بحب صح يا حبيبي ملكش دعوة بيهم وكل علشان خاطري..
أنس إديني بس ساعتين تلاته اهضم كل اللي أكلته دا و هاكل كل اللي أنتي عاوزاه حاضر..
سعاد بدموع وحشتني يا أنس سايب أمك شهرين لوحدها كدا ينفع!!
الاء لوحدها!!!
أنس صحيح يا ماما قبضتي الجمعيه!!
سعاد أيوا و سيبتهم كاملين مقربتش منهم زي ما أنت قولت.. 20 ألف
أنس براحة وأنا معايا عشرين.. هننزل نجيبلها اللي نقدر عليه من الأجهزة الكهربائية..
سعاد 20 الف!! جبتهم منين استلفت!!
أنس لا يا ماما عامل جمعية تانيه..
سعاد أومال بتصرف منين!! يا ابني إنت كدا كل مرتبك رايح علينا!!
أنس وأنا ليا مين غيركم يا ماما وبعدين مش علشان نشرف البت الاء دي لما تيجي تتخطب..
الاء بحب ربنا يخليك ليا يا أنس وميحرمنيش منك أبدا...
.................................... 
في آذان المغرب كانت عهد لا زالت في غرفتها تجلس وحيدة فقد ذهب الطفلين في نوم عميق منذ