روايه كامله الفصول
المحتويات
جينا إهنه نكتبوا الكتاب!!
قالها يوسف و يبدو أنه خطط لكل شيء...
عال جوي... مبروك يا ولدي!!
قالتها صابحة بضيق.. فهى لم تحب هنا يوما ترى أن يوسف لا بد أن يتزوج من بلدته و ليس من البندر كما تقول!!
حتى أنها كانت سعيدة عندما علمت بأنه زفافهما لن يحدث!!
و عتكتبوا الكتاب دلوجتي و لا مېتي!
تساءلت شهد ليرد يوسف قائلا و هو
لا هنكتبوه دلوجتي... انا اتصلت بالمأذون و هتلاجيه داخل دلوجتي!!
كل ما يحدث هذا و هنا لا تتحدث.. الذهول مسيطر عليها تماما و لا تجرؤ أن تتحدث خصوصا أنها تخشى صابحة كثيرا!!
يوسف ممكن اتكلم معاك لو سمحت!!
دخلا إلى حجرة ما و اغلقا الباب لتقول صابحة
شوفي جليلة الرباية... جفلت الباب عليهم كيف!!
يا اما حرام عليكي.. يوسف اللي جفل الباب!!
تشدقت بها منيرة ردا على والدتها الماقتة ل هنا.. لتقول شهد
براحة شوي عليها يا ستي.. دية يتيمة!!
وااه.. شيفني ابليس إياك.. اني مطيجاش روحي.. هملوني لحالي.. هملوني!!
صاحت صابحة بهما.. لينصرفوا من أمامها.. بينما في الداخل كانت هنا تجلس أمام يوسف و الرجفة مسيطرة على جسدها..
يوسف اللي انت بتعمله دة غلط.. رجعني مصر و اقطع علاقتك بيا!!
چثت على ركبتيها أمامه و قالت بعيون دامعة
يوسف انا مستاهلش انك تربط اسمك بيا.. انت تستاهل واحدة احسن مني!!
قبض على فكها بيده و قال بهمس قاسې و هو وجهه لوجهها
و انا قولتلك انا مش عايز واحدة غيرك.. انتي بتاعتي يا هنا.. أظن كلامي واضح!!
هبطت دموعها بصمت ليمسحها هو بأصابعه قائلا
و متعيطيش عشان مش بحب اشوف دموعك!!
صوت دقات الباب و صوت منيرة.. جعله ينهض
يا يوسف.. عم محمود جه و معاه المأذون!!
فتح باب الغرفة و هو يرحب بهم
لم يمر الكثير من الوقت.. و أصبحت زوجته أمام الجميع فقد انتشلها من بين براثن مروان قبل أن يتموا عقد القران!!!
مر يومين و هم يبحثون عن يوسف و هنا في كل مكان!!
و فارس يحاول الوصول إليه في جميع الأماكن التي من الممكن أن يتواجد فيها و لكن لا فائدة..
حتي اتصل به يوسف و أبلغه أن تزوج هنا و لم يبلغه بمكانه..
حاول فارس أن يعرف منه أي معلومات أخرى و لكن دون جدوى..
اجتمع فارس و ليلي و نور في الفيلا... و أتى المحامي...
ها.. اية
القرارت اللي وصلتوا ليها!!
طبعا يا استاذ شاكر انا كلمت حضرتك و حكيتلك عن موضوع حسام
اه طبعا يا استاذ فارس.. و طبقا للوصية طالما مدام نور لسة على ذمته يبقى من حقها تاخد ورثها لكن لو تم الطلاق هتتحرم من الورث..
قام فارس بإخراج هاتفه و عرضه على شاكر قائلا
و دي قسيمة جواز هنا و يوسف!!
دة حصل امتى دة يا استاذ فارس!! مش المفروض هنا هانم فرحها على مروان من يومين..
ايوة و حصلت ظروف و الفرح متمش المهم انهم نفذوا الوصية..
تمام.. و حضرتك و مدام ليلي!
نظر فارس الي ليلي بسعادة و قال
المأذون جاي دلوقتى و حضرتك هتشهد على العقد!!
الف مبروك يا استاذ فارس!!
الله يبارك فيك يا استاذ شاكر..
لم يلبثوا الكثير من الوقت و أتى المأذون و أتم عقد القران و عادت ليلي الي فارس مرة أخرى...
عادت بعد أن فقد الأمل في أن تكون له.. بعد أن ټحطم قلبه على صخرة الفراق!!
___________________________________
في مكان مظلم..
غير صالح للحياة و في مخزن فارغ الا من بعض الحشرات و بعض الأشخاص..
كان يجلس على المقعد و هو يقول بعصبية
انا عايز افهم يا حيوان انت.. يعني اية مجتش فيه!!
يا حسام باشا و الله كنت خلاص هضرب لكن هو اتحرك و بدل ما تيجي فيه جت في العريس!!
ماشي يا رامي.. انا عايزك تتابع فارس كويس و تجيبلي كل اخباره عشان لما اقولك نفذ تنفذ!!
حصل يا حسام باشا..
و خد بالك يا رامي المرة دي لو مجتش في دماغ فارس هتيجي في دماغك انت!!
متقلقيش يا حسام باشا.. غلطة و مش هتتكرر..
يلا غور من وشي..
خرج ذاك المچرم بينما ظل حسام يفكر في نور..
كيف حالها.. و كيف أصبحت الآن!!
نهض من محله و هو عازم على أن يراها فقد افتقدها كثيرا
_____________________________________
ابتسمت و هي تعطي لوالدتها الدواء و هي تقول
بالشفا يا أمي.. اجيبلك حاجة قبل ما تنامي!!
لا يا حبيبتي..
تصبحي على خير..
و انتي من اهله..
خرجت مني من غرفة والدتها و هي تتجه نحو الحديقة لتستمتع بنسمات الهواء العليلة في ذلك الوقت
فقد قاربت الساعة على العاشرة مساء.. و هي تعشق ذاك الوقت كثيرا
ظلت تسير في الحديقة و هي تدندن بصوتها العذب للرائعة وردة
وبحبك والله بحبك والله والله والله بحبك
قد العيون السود احبك
وانت عارف منته عارف قد ايه كتيره وجميله
العيون السود في بلدنا يا حبيبي
احبك والله بحبك والله والله والله بحبك
قد اغاني الصبر بحبك
وانته عارف قلنا ايه فيها كل ليله
وقال معانا
متابعة القراءة
