روايه جديده وكامله بقلم فاطيما

كي تأتيها علي الفور وستقص عليها كل الأمر 
فهي خجلة جدا من والدها أن يعرف ماصدر منها وخاصة أنه كان يحب باهر حبا جما 
وبالفعل أخبرت والدتها بالمجئ إليها لأمر هام وأبلغتها أن تأتي علي الفور مما استدعى ذلك قلق فريدة طيلة الطريق 
وبعد نصف ساعة بالتحديد أتت إليها وصعدت إلي الطابق الذي تمكث به مباشرة كي تطمئن علي غاليتها وما إن وصلت حتي وجدت ريم في حالة يرثي لها من القلق وشحوب الوجه البائن علي معالم وجهها 
أدخلتها ريم وجلسن في غرفة الاستقبال كي لا أحدا يسمعها من الخارج وخاصة الخبيثة التي أوقعتها في تلك المشكلة 
فتحدثت فريدة بملامح وجه مكفهرة ومړتعبة مرردة 
مالك يا بنتي فيكي إيه وشك أصفر وحالتك حالة 
أخرجت تنهيدة حارة وأنزلت بصرها وأردفت قائلة بنبرة محملة بأثقال من الهموم 
أنا في مصېبة كبيرة أوي ياماما ومش عارفه أعمل ايه وأتصرف إزاي 
انخلع قلب الاخري وباتت معالم وجهها هلعا من كلمات ابنتها ووضعت كلتا يديها على صدرها متسائلة بهلع
مصېبه إيه ياريم كفي الله الشړ يابنتي رعبتيني .
أمال أنا أعمل إيه ياماما أعمل إيه.... كلمات خرجت بطريقة مرعبة وهي تدق بكلتا يديها علي فخذيها وتلتفت يمينا ويسارا ودموع عينيها تنهمر ړعبا 
واسترسلت حديثها بإبانة وهي تمسح دموعها بحدة 
هحكي لك كل حاجه ياماما بس أمانه عليكي ماتعملي زيهم وتحكمي عليا حكمهم .
نظرت لها بتمعن منتظرة تكمله حديثها وقررت أن تصمت حتي حتي تستمع إلي شكوي ابنتها 
وقصت ريم علي مسامع والدتها ماحدث من البداية وما إن انتهت حتي حكي حالها عن شعورها 
فقد عثت في جوفها حربا شعواء أشد من أن تتحكم بها ومن أن ټقاومها وهدرت بها باستنكار
قال لك يالشغل يا أنا ورديتي عليه كدة !
زاغت أعين الأخري من استنكار والدتها وبات داخلها ينتفض ړعبا الى ان استمعت الى هتاف والدتها وهي تتابع حديثها المحتد وتزجرها پعنف 
من امتى وانا ربيتكم على كده!
من امتى وانا ربيتكم تقفي قدام جوزك الند بالند ومستوى المناقشه يبقى بالانحطاط ده!
انسدلت دموع الاخرى من مقلتيها بغزاره ولم تخشى نزولها امام والدتها فهي بالنسبه لها الام والاخت والصديقه رغم شدتها في التعامل معهم الا انهم يثقون في ارائها لأبعد الحدود وما ان علمت ڠضب والدتها حتى انهار داخلها وباتت تلومها لوما شديدا واجابتها بارتعاش 
والله يا ماما الڠضب عماني ساعتها والشيطان دخل بينا واللي حصل حصل ولومك وعتابك ما لهوش لازمه دلوقتي .
قامت والدتها من مكانها وهي تجوب المكان ذهابا وايابا وتضغط بكف يديها پعنف مما استمعت اليه من صغيرتها وهي تردد بملامه مغلفه بالاحتدام 
ما هو علشان انا ربيتكم على المناقشه المتحضره طول حياتكم مش مصدقه ان إنتي عملتي كده
واسترسلت حديثها بتذكير
ده انا لسه من كذا شهر حاكيه لك على بنت صاحبتي اللي اجبرت جوزها على انه يكتب لها البيت باسمها علشان مخلفه بنات عشان لو حصل حاجه في اي وقت ما حدش ياخد البيت منهم وشدت معاه وڠضبت وسابت له البيت وهو من الحسره ان هي عملت فيه كده ومعاه كده واستعجلت اجله وماټ ودلوقتي پتبكي بدل الدموع ډم وبتلوم نفسها تقومي إنتي تعملي كده يا ريم!
وضعت الأخرى وجهها بين كفوف يديها وهي تشهق شهقاتها العالية التى تدمي لها القلوب من ملامه والدتها الغير متوقعه مما جعل قلب فريده يئن ۏجعا لصغيرتها وعلى الفور ذهبت اليها واخذتها بين احضانها وهي تهدئ من اڼهيارها بكلمات الام الحنون 
خلاص يا بنتي اللي حصل حصل وما تزعليش من كلامي اللي قلته لك انا بعتب عليك علشان الأم مرايه بنتها استنكرت عليكي انك تعملي عامله زي دي ما تليقش بريم المالكي ولا برقتها ولا بأدبها ولا بأخلاقها ابدا .
وظلت بين احضانها تستمد منها الحنان والعون حتى هدات بعد فتره متسائله لوالدتها وهي تنظر لها بعيون ممتلئه بالدموع التي اصبحت طريقها
طيب اعمل ايه دلوقتي يا امي في المشكله اللي انا فيها دي انا لا يمكن اتجوز زاهر ده ابدا ولا يمكن اعيش مع راجل غير باهر الله يرحمه .
هنا جالت فريده بتفكيرها وبدات تفكر في حيثيات الموضوع من جميع الاتجاهات وهي في حيرة شديدة حتى نطقت بنصح لابنتها بما راته صالحا لها 
وفيها ايه لما تتجوزيه بعد ما تاخدي هدنتك في الحزن على جوزك هو عم ولادك وهو اولى بيكي من اي حد 
وتابعت نصحها بارشاد امين
انا خاېفه عليكي لما يملوا ولادك بالكلام اللي قالت لك عليه حماتك وابنها لما يكبروا مع الأيام وابنك الكبير بقى بيستوعب دلوقتي وهما قادرين واحنا ما لناش في سكه الردح بتاعتها ابدا يا بنتي .
قالت تلك الكلمات التي نزلت على مسامع تلك المسكينه مزقتها وكأنها سكاكين حاده مزقت اشلائها الى قطع واصبحت في اڼهيار من كلام والدتها ادى بها الى الاغماء على الفور