المصلحه كامله

كل مرة وزي كل مرة بسمع نفس الخطوات خطوات حد بيقرب مني ولكن المرة دي نفسه قرب من نفسي لدرجة... لدرجة خضتني! وللمرة الخامسة حسيت بأيد حد بتقرب من جسمي!
ولكن المرة دي جمعت كل قوتي ومسكت أيده بكل ڠضب وأنا بقول 
أنت بتعمل أيه 
أيه أنا... أنا بغطيك! 
كداب أنت كداب! دي مش أول مرة تدخل الأوضة عليا!
كان صوتي عالي البيت كله أتلم عليا وهو... وهو أتوتر! 
بص عليهم بكل توتر وقال 
في أيه كنت بغطيها وهي أتخضت خلاص خلصنا. 
وبكل بجاح ة سبنا ومشي! 
والغريبة أن.. أن ماما لقتها بتفرك في عنيها بملل وبتقول وهي بتديني ضهرها 
لازم تقلقينا يعني يا نور! نامي يا حببتي وبلاش الخضة دي.
حقيقي مكنتش مستوعبة اللي حصل! كلهم سابوني ومشيوا! إلا... إلا هو إلا يوسف! يوسف الوحيد اللي فضل واقف في الأوضة مكانه كان سرحان وبيفكر تقريبا كان بيستوعب اللي حصل! وكأنه كان خاېف يسألني عشان كده وبعد بصة طويلة منه ليا سابني ومشي على أوضته. 
أما أنا فتابعته بعيني لحد ما أختفى من قصادي أتكورت في مكاني وأنا لفة نفسي باللحاف وفي لحظة لقيت نفسي بفتكر كل مرة كان بيحاول فيها إنه يتح رش بيا أو لما كان بيت حرش بيا باللمس بالفعل! أنا وصغيرة وأنا... وأنا كنت بكدب نفسي! ولا كنت خاېفة ولا مكنتش مستوعبه وفي لحظة أفتكرت من كام يوم لما ظهر قدامي فيديو بالصدفة لبلوجر اسمها كنزي مدبولي كانت بتتكلم فيه عن حالنا! عن حالات التح رش اللي بتحصل للأطفال من أفراد العيلة أو... أو كانت بتوضح أن 90٪ من نسب التح رش أصلا تمت للبنات وهما أطفال من أفراد العيلة! 
وقتها حسيت أني تعريت قدام نفسي ازاي أنا قابلة أن ده يحصل ليا أزاي ساكته ليه متكلمتش أنا أزاي ساكتة عن الأڈى النفسي والجسدي اللي بيحصلي ومن هنا قررت أني هتكلم مش هسكت وفعلا مش هسكت مش هكتفي باللي حصل أبدا لازم أخد حقي منه مش هستنى لما الاقيه في يوم بيته جم عليا!
ماما عايزة أتكلم معاك. 
بسرعة يا نور عشان راضي زمانه جاي يا حببتي. 
كانت قدام التسريحة وبتحط ميكاب وبتظبط شعرها! 
هي أزاي مش مهتمة باللي حصل بليل 
نفضت كل شيء من دماغي وخدت نفس وقولت 
الرجل اللي أنت متجوزاه ده حاول خمس مرات يتح رش بيا. 
ملفتش بنظرها عليا! لكنها ضحكت بستهزاء وقالت 
بجد هيبص لعيلة زيك شكلك أتهبلتي صح 
وبحدة لقيت نفسي بزعق وبقول 
أنا فضحته انهاردة وهو عندي في الأوضة! أنت مستوعبة كان... كان بيحاول ېلمس جسم ي! 
كان بيغطيك يا نور بلاش هلاوس بقى. 
هلاوس أيه أيه الأهمال اللي أنت فيه ده أنت أزاي أم بجد 
قولت كل شيء في قلبي بكل ڠضب وهي بكل ڠضب برضه لقتها بتلف ناحيتي وأيديها بتنزل على وشي بكل عصبية وأنفعال وهي بتزعق وبتقول 
أنت قليلة الأدب ومريضة جوزي مين اللي يبصلك غوري من وشي.
لمېت كرامتي ودخلت على أوضتي مفيش فايدة مش هتصدق مين هيصدق عيلة صغيرة ويكدبه هو كنت عاجزة متكتفة ومش عارفه أعمل أيه ولا حتى عارفه أتكلم مع مين حتى يوسف صديقي الوحيد مش هعرف أتكلم معاه أصلي هقوله أيه يعني مكنش ينفع وعشان كل الطرق تؤدي إلى الولا حاجة فقررت هستعين بجروبات البنات اللي على الفيس. 
ضحكت بسخرية على القدر كنت بقول لنفسي من كام سنة مين العاقل اللي يروح يكتب مشكلته على العلن ومستني ناس غريبة تديله حل أو تواسيه أو تطيب خاطره! كنت بقول ما يحكي لأي حد في حياته ولكن مرت السنين وعرفت أن مش بيكون ليهم حد عشان يحكوا معاه! زيي كده بالظبط! 
مسحت دموعي ودخلت على جروب من ضمن الجروبات بتاعت البنات أيدي راحت ناحية منشور مجهول الهوية وبدأت أكتب مشكلتي وأني مش هعرف أسيب البيت وأني عايزة حل. 
وبدأت تيجي التعليقات بأزاي أتصرف واللي كان منها.
متتعمليش معاه خالص وبلاش تحتكي بيه. 
متلبسيش قدامه أي لبس قصير أو شفاف وشعرك لميه دايما عشان بيكون سبب للفتنة أوقات. 
لما تدخلي تنامي أقفلي على نفسك بالمفتاح ومتنميش بلبس خفيف أو قصير.
ونصايح كتير