المصلحه كامله

بتتحرك على هواهم عشان يكسبوا الماتش! زي تمام!
يا قمر أستنى بس! مش كده طيب! 
مش رجوله دي يا شبح على فكرة! 
وأنت مالك بقى يا حلتها 
لا منا جاي عشان أوريك أنا مالي.
كنت في الشارع وبتعاكس الطفلة اللي كان عندها يدوب 8 سنين بقت شابة بنت 16سنة وبتتعاكس من شباب الشارع والحقيقة أن اللي دافع عني هو يوسف! يوسف اللي بقالي 8 سنين بتلاشى التعامل معاه! تخيل أني عايشة معاه كل الفترة دي ومش عارفه اتأقلم معاه بسبب عقلي! 
والحقيقة أنه طلع جدع! جدع بجد ورجل! طبيعي شابه مراهقة تنبهر بتصرف زي ده والحقيقة أني أنبهرت فعلا.
أنا متشكرة. 
ده واجبي! 
شكلي كنت ظلماك! 
عشان أنت ظالمة يا هانم.
ضحكنا! ومن هنا بدأت صداقتنا! بقينا قريبين من بعض أسرارنا كلها مع بعض بنقضي اليوم كله سوا وبنسيب بعض على النوم وحقيقي لأول مرة أحس أني بنتمي لشخص في المكان ده!
أيه اللي مانع الخلفة أنا من حقي اعرف 
معرفش معرفش يا راضي!
كان صوتهم عالي خناقة كل مدة تقريبا الخلفة! عايزين يخلفوا بقالهم 4 سنين ومش عارفين! غريبة طب مش لما يربوا اللي عندهم الأول متهيألي هما ميعرفوش عننا حاجة أصلا!
سمعتي الخناقة الأخيرة 
ضحكت بسخرية وقولت 
الخلفة ولا في جديد 
ضحك هو كمان ربع رجله قصادي وقال 
لا حاجة جديدة بس بما أنك فتحتي الموضوع ده قوليلي أيه رأيك 
ابتسمت بتعب وقولت 
سمعت جملة قبل كده بتقول كونك متجوز فأنت مش مجبر تخلف لكن كونك خلفت فأنت مجبر أنك تربي! والغريبة أنهم مربوش وبرضه بيدوروا على الخلفة!
ووه يعني أنا مش متربي يا جدع 
ضحكت! عرف يخرجني من حزني بضحكة من القلب ومن وسط ضحكي قولت 
مش قصدي كده يا بارد. 
كملت كلام بجدية وقولت 
قصدي أن أحنا الأتنين الدنيا اللي ربتنا بنت ال سنة نص عمرها قضيته في حضڼ جدتها وهي اللي مربياني والنص التاني عيشته في حضڼ العالم! حتى أنت! أبن ال سنة متربي مع نفسه وسط الشوارع والناس والمجتمع مش كده 
ابتسم هو كمان وقال 
للأسف كده!
هي مامتك راحت فين 
انشغلت عرفت من سنة كده أنها أتجوزت برا مصر تقدري تقولي عرفت الحوار ده لما لقيت زيارتها أتقطعت بعد أول سنة من جواز بابا وللأسف برضه أكتشفت أنها خلفت منه وطبعا نسيتني.
تصدق الحال من بعضه. 
رفع وشه ليا وسأل 
أنت كمان بباك أتجوز 
ضحكت بسخرية وقولت 
لا هو مش فاضيلي أصلا. 
يعني أيه 
بصيت عليه بهتمام وبدأت أوضح كلامي 
هو دايما مش فاضي كان ده سبب أنفصالهم أصلا ومن بعدها وهو برضه مش فاضي! دايما مسافر وفي شغل عرفت أنهوقال لماما أنه هيتجوز عشان يغيظها مش أكتر ة بس تعرف. 
وبهتمام سأل 
أيه 
الغريبة أن بباك دلوقت معاك بس برضه مش فاضيلك والغريبة أنه بيدور على أطفال تاني طب يسطا شوف اللي عندك الأول يسطا! 
ضحك بهم وقال 
تصدقي هم يضحك وهم يبكي! والأغرب أن مامتك نفسها بتحاول تراضيه عشان تحافظ على البيت اللي من وجهة نظرها مبني وزي الفل! هي الناس دي عايشة معانا على الكوكب ولا أيه 
شكله ولا أيه فعلا.
حقيقي وبمعنى الكلمة أحنا الحياة هي اللي ربتنا مش حد تاني وده لأن أهلنا مكنوش فاضين لينا! بيتخانقوا على الخلفة طب ما يربوا اللي موجودين الأول! هل طبيعي تكون عايش في بيت وسط ناس المفروض أنهم عيلتك وتكون حاسس أنك في المكان الغلط!
أنا شوفت كلامك معاها أنت پتخوني يا راضي. 
شك شك! قولتلك ولا بخونك ولا بنيل! أيه مش بتصدقي ليه 
عشان أنت كداب! هو... هو أنا هنسى كلام مراتك القديمة مراتك اللي قالتلي بكل صراحة أنك خاېن وعينك زايغة!
كان صوتها عالي وشها أحمر من شدة الڠضب وبكل عصبية رد عليها وقال 
أنت هتصدقي كلام المخبولة دي دي بقت عيشة تقرف بجد!
كل ليلة خناقة جديدة لكن الشهر ده كان سبب الخناقة مطول معاهم الحقيقة أن كل فترة والتانية يتخانقوا لنفس السبب وبتفضل الخناقة متعلقة بنفس السؤال هل هو فعلا خاېن معرفش ولكني مش مهتمة أصلا!
كانت الدنيا ضلمة السواد هو اللي مغيم على المكان زي