مالك الروايه كامله

عملتلك عشا.. غير هدومك عشان ناكل سوا.
مالك كلت في الشغل.. اتعشي أنتي.. تصبحي علي خير.
ليلي بحزن و أنت من أهل الخير ي مالك..
لمېت السفرة وقفلت نور البيت و دخلت لأوضتي.. كان نايم و رايح في النوم.. لمېت شعري ومسكت تليفوني قلبت فيه شوية عشان أشغل نفسي عن الزعل عشان معيطش.. 
شديت الغطا و نمت في زواية بعيد عنه عشان إحساس اني مفروضه عليه بيطاردني لمجرد اني اقرب منه. 

تاني يوم الصبح جهزت الفطار و كالعادة عمل ساندوتش و أخده وهو ماشي و سابني أفطر لوحدي.. 
بقيت أحس اني عايشة في البيت دا لوحدي.. 
عمري ما مليت و لا زهقت.. دايما اجهز الأكل وأروق البيت و أعطره و ألبس أحسن ما عندي و استناه..
ليلي يومك كان عامل ازاي!
مالك مضغوط..
ليلي ربنا يقويك.. جهزت العشا.. غير هدومك عشان ناكل سوا..
مالك أنتي عارفه اني باكل في الشركة.. ليه كل يوم بتعملي عشا..
ليلي بحزن عشان الشركه بتخلص الساعه 4 و انت بترجع 11 ي مالك قولت يمكن جوعت..عمتا تصبح علي خير..
أخدت الأطباق و دخلتها جوا و مشيت من قدامه. سمعت صوته و هو بيدخل الأوضة و قفل الباب وراه بقوة.. 
خرجت قفلت نور البيت و دخلت اوضة الأطفال و نمت.. 
كفاية.. كفاية اوي كدا انا عملت أكتر من طاقتي و اقدم للجوازة دي كتير وفي المقابل صفر.. 
صحيت تاني يوم حضرتك الفطار و جهزته علي السفرة و قعدت مستنياه و انا ايدي علي خدي.. خرج بعد شوية و عمل سندوتش كالعاده..
ليلي عاوزة أطلب منك طلب ي مالك.
مالك الفلوس جوا في الدرج خدي اللي انتي عاوزاه..
ليلي لا أنا مش عاوزة فلوس.
مالك اومال عاوزة اي!
ليلي عاوزة أتطلق. 
مالك اي! 
ليلي طلقني ي مالك. 
مالك......... 
ليلي ساكت ليه! أعتقد أنك عاوز كدا.. 
شهرين ي مالك و أنا عايشه هنا زي الضيفه و انت مش موجود.. بشوفك دقيقتين الصبح و دقيقتين لما بتيجي و طبعا بمزاجك مش ڠصب عنك. 
وانا عملت كل حاجه اقدر أقدمها لحياتنا سوا بس أنت مش شايفني أصلا..
ف عشان أحافظ علي اللي باقيلي من كرامتي.. ي ريت تطلقني و كل واحد يشوف حاله. 
مالك أنا مختارتش الجوازة دي ي ليلي..ابويا و ابوكي هما اللي أختاروها.. تفتكري بقي أنا هينفع أطلق بنت عمي بعد شهرين جواز! 
ليلي بمعني! 
مالك بمعني ان مفيش طلاق ي ليلي.. 
ليلي بس دي مش عيشه! 
مالك أستحملي زي م انا مستحمل. 
ليلي و أنا اي اللي يجبرني علي كدا.. 
مالك مهو ي بنتي لنفس السبب.. اه ي ليلي الجوازة ڠصب عني و عنك وانا مش قادر اتقبلها و دا مش عيب فيكي ولا حاجه بس انا مش قادر أدي فرصه زيك.. 
مش عارف اعمل اي! 
ليلي طيب أنا ذنبي اي! حاول تفهمني شوية ي مالك انا بدأت أكره نفسي.. 
طيب بص حتي لو مش هيحصل طلاق أنا هروح بيت أهلي و أقعد هناك و شوية كدا و نبقي نطلق..
مالك هنرجع لنقطه الصفر و الزفت عماد هيستني طلاقك مني و ېهدد ابوكي بالفلوس عشان يتجوزك و أحنا ما صدقنا حليناها ودي.. 
اسمعي.. الحياة بينا مفيش منها أمل بس نستحمل شوية و بعدين لما نسد الدين تبقي تطلقي.. 
ليلي تمام ي مالك.
خرج و سابني لوحدي.. انا اللي غبية و أنا اللي عملت كدا في نفسي و أختارت لنفسي أني احبه و أرضي بكل اللي حصل و ي ريتني ما حبيته.. 
مكنتش أعرف أنه جوازنا بالنسبه ليه كارثه اوي كدا.. كنت فاكره هيعتبرها جوازة مدبرة زي كتير من الجوازات في مصر بس أنا مش عارفه هو ليه رافضني اوي كدا مع انه قال بنفسه انه المشكله مش فيا. اومال المشكله فين!! 
بليل دخلت نمت من غير ما استناه زي كل يوم.. عملت نفسي نايمه لحد ما حسيت بيه جاي و بيفتح النور.. 
وقف شوية مكنتش عارفه بيعمل اي و بعدين اخد مخدته و خرج من الأوضة و سمعت صوت باب اوضه الأطفال.. 
و عشان كدا تاني يوم نقلت كل هدومه لأوضة الأطفال و طالما هو اختار أننا حتي منشوفش بعض يبقي فعلا منشوفش بعض.. 
صحيت يومها الصبح و حضرتله سندويتش ع السريع و حطيته في طبق ع السفرة.. و هكذا بقيت