روايه بقلم ايمان شلبي
المحتويات
مر عليا شريط ذكرياتنا الطفولي وابتسمت لكن ابتسامتي اتلاشت لما شوفت شخص تاني شخص نظراته بارده قرفان من كل الناس وخاصه بابا شخص غير الطفل البرئ اللي كنت بلعب معاه زمان عرفت من نديم اخوه واللي اتقرب مننا ومن كل العيله من بعد ما ساب مامته اللي عايشه في امريكا مع جوزها اللي اتجوزته من بعد مۏت عمي بشهرين عرفت أنه شخص مستهتر
فوقت من شرودي علي صوت زينب بنت خالتي وهي بتقولي أن قاسم علي الباب
رسمت ابتسامه مزيفه علي وشي واخدت نفس طويل وانا بهز راسي بالرغم من الړعب اللي جوايا
اتفتح الباب وثواني ودخل قاسم اللي ريحه برفانه سبقته
مبروك
رديت بتوتر
ا الله يبارك فيك
بارك الله لكما وبارك عليكما وجمع بينكما في خير
بلعت ريقي وقلبي بيدق بسرعه
ا الله يبارك فيك
اتنهد وهو بيقولي بشماته
بس برافو عليا والله طلعت ممثل هايل
بصيتله باستغراب
يعني ايه مش فاهمه!
بصلي پصدمه مصطنعه
هو انا مقولتلكيش
مقولتليش ايه !
سامر بفرحه وضحكه شيطانيه
أن انا اللي خليت سامر يسيبك بالاجبار عشان اتجوزك
يتبع
الفصل الثالث
انت بتقول ايه ا انت .....
علي خير يارغده وبلاش تفضحي نفسك وتفضحي اهلك لانك لو اتكلمتي كل حاجه هتتكشف والناس هتعرف ان عريسك سابك و وقتها انتي عارفه السيناريو اللي هيحصل وانتي واهلك في غني عن الكلام اللي هيتقال التزمي الصمت احسنلك
عيوني اتملت بالدموع وانا ببصله وبسأله بهمس ونبره صوت كلها ۏجع
ممكن متعيطيش
زقيت ايده پعنف وانا بقول بعصبيه
ابعد ايدك عني انت فاكر اني هخاف منك !
هه تبقي عبيط ولا انت ولا عشره زيك يخوفوني الفرح يخلص من هنا ولينا كلام تاني اوعي تفتكر اني بعد اللي عرفته اكمل مع واحد زيك الناس بس تمشي وتطلقني
بصلي بابتسامه غامضه وهو بيقول بتحدي
ربعت ايدي وانا ببصله بتحدي أكبر
ده في أحلامك انت ياحبيبي
قولتها بتلقائية وانا ببص قدامي وثواني واستوعبت الكلمه !
غمضت عيني وانا بتمني لو الارض تنشق وتبلعني وتخلصني من العڈاب اللي انا فيه ده
ضربات قلبي كانت سريعه لاول مره اقول لحد ياحبيبي بالرغم من نفوري من قاسم وخۏفي من اللي ممكن يحصل إلا أن الكلمه ديه زلزلت كياني معرفش ليه في الوقت ده اتمنيت لو كان بالفعل حبيبي اتمنيت لو كنا بنحب بعض ومختارين بعض عن حب بكامل ارادتنا اتمنيت لو اقول للعالم كله أنه حبيبي لكن مش كل اللي بنتمناه بنطوله في الحقيقه
كلمه حبيبي طالعه منك زي السكر والله
رمشت عيني اكتر من مره وحسيت أن جسمي اتجمد من همسه اللي كان ليه تأثير قوي
بلعت ريقي وانا بنادي بصوت يكاد يكون مسموع علي ماما اللي لولا أنها كانت واقفه علي قرب مني بتتكلم مع واحده جارتنا مكانتش سمعتني
نعم ياحبيبتي عايزه حاجه
كنت لسه هتكلم بس سبقني وهو بيضغط علي ايدي بقوه
اه ياريت كوبايه مايه يامرات عمي عشان انا عطشان جدا
بصيتله ماما وهزت رأسها بضيق
حاضر
اول ما بعدت قرب مني تاني وهمس لكن المره ديه بنبره كلها تحذير و وعيد
عدي ليلتك يارغده احسنلك ومتنطقيش بحرف لأن نطقتي أو منطقتيش انا كده كده اتجوزتك خلاص بلاش تفضحي نفسك الفضائح مش لمصلحتك ولا مصلحه اهلك
تستمر القصة أدناه
بصيتله بكره وانا بقول بدموع
مطلبتش منك تحبيني كده كده الكره مشترك بينا
بصيتله بكره وانا مش قادره
متابعة القراءة
