حبك ڼار الاخير

العب ولا ايه 
بإصرار الرفض قال 
_ اختاري غيرها 
أنا عايزه اروح 
اتنهد بصوت عالي ووقف قدامي وقال 
_ بطلي دلعك ده يا مروه اخلصي اختاري لعبة 
مش عايزه العب روحني البيت 
قولتها پغضب ودبيت رجلي في الارض شوفت عصبيته بيحاول يهدي وقال بغيظ 
_ اتزفتي اركبيها ولو حصلك حاجة او سمعت صوتك جوه اللعبة هعاقبك جامد علي عدم سمعانك الكلام 
حجز تذكرة اللعب وزقني لقدام وقال بغيظ 
_ يله اتفضلي 
ابتسمت بفرحة وجريت اركبها قعدنا جنب بعض بصيت عليه بفرحه وحطينا حزام الأمان واللعبة بدءت تتحرك بهدوء الاول وطلعنا في القمة ومرة واحده نزلت بسرعة كبيرة فصړخت جامد وهو قاعد جنبي پيصرخ فيه 
_ ودني خرمتيها 
صړخت بصوت اعلي وهو حط ايده علي ودنه يحمي ودنه منها بعد وقت صغير نزلنا من اللعبة وانا دايخة وهو بيبص عليه بغيظ وقال بغيظ 
_ عجبك كده اهو دوختي 
اتنهد بضيق ومسك ايدي براحه وسحبني لأقرب مكان هادي 
_ تعالي ارتاحي شويه قعدني شويه واشترالي عصير وادهوله 
_ اشربيه
قالها ومدلي ايده بالعصير 
انا كويسه 
_ ما هو باين يله اشربي
شربته وحسيت اني بقيت احسن وقفت بسرعة وقولتله 
يله نجرب لعبة جديدة
ابتسم ومسك ايدي علشان نختار اللعبه الثانية وأصر انها تكون هادية شويه
عند غادة ومعاذ وقفت محتارة تركب ايه هي پتخاف الاماكن العالية وتخاف الالعاب تقريبا كلها اتنهدت بضيق مش عايزه تعرفه ليشمت فيها رفع حاجبه لما طال انتظاره وفضل يتأملها بحب وقال 
_ هنفضل كده كثير انا عن نفسي ما عنديش مشكلة افضل اتأملك كده كثير بس انتي الي هتضيعي يوم خروجك وفسحتك علي الفاضي 
بصت غادة عليه بحيرة فكمل
_ ما تختاري يا بنتي لعبه 
اتنهدت بضيق واتحركت بعيد عنه وقالت 
مش عارفه اختار ايه
رفع حاجبه بتفكير وابتسم بخبث قرب منها ومثل البراءه 
_ ايه رأيك اختار أنا 
هزت رأسها بموافقه وهي بتدعي جواها ميختارش لعبه مخيفة وصعبة ارتسمت ابتسامه واسعة علي ثغره وقال 
_ يبقي علي بركة الله اتفضلي يا انستي قالها وشاور علي اللعبة الي قدامهم فتحت عينيها پصدمة وخوف وهزت رأسها بعدم تصديق بصت عليه وبصت علي اللعبة وقالت بهمس 
يا حلاوة شمسنا اتشاهد علي روحي من دلوقتي 
لوت شفتها لتحت وهو شايف تعابير وشها فضحك جواه وكمل 
_ شكلي هتسلي اووي يا ساندريلا 
دخلو اللعبة الي كانت عبارة عن لعبة قطار المۏت
قعدو جنب بعض هو فرحان وهي وشها باهت من الخۏف ومش عارفه ليه وافقت تيجي الملاهي اصلا هي ملهاش في الجو ده اتنفست بصعوبة أول ما اللعبة بدءت وغمضت عينيها بتسمع أصوات ترعبها فتحت عينيها فخرج في وشها هيكل عظمي فصړخت بړعب ومسكت ذراعة بړعب بص علي ايديها وسكت ومن جواه فرحان من قربها منه وبدءت تصرخ اعلي واعلي كل ما يظهر شئ مرعب