روايه بقلم ساره حسن

اللي لسه كنت هاخد رئيك
قال احمد مبتسما لابنته رئيك ايه يا عروسه
واخفضت وجهها ارضا 
بينما قال عماد بسعاده مانعا عنها الحرج السكوت علامة الرضا يا بني
وبادرت هدي بزغروطه مجلجله ارتفع صداها لاول مره في ارجاء قصر الحسيني
الخامس عشر
تتبعت اثرة الي الحديقه و وقفت خلفه ضامه يديها خلف ظهرها و همست باسمه 
خرج من شروده و الټفت اليها مبتسما وبادرت بسؤالها
سرحان في ايه و ماحستش بيا و انا جايه
اجابها علي و هو ينظر اليها 
_فيكي .
ابتسمت و اخفضت راسها و قالت بخجل ياسلام مانا معاك طول النهار
قال لها بغزل صريح انتي معايا هنا يا ست الحسن 
و اشار الي قلبه
ضحكت بدلال و قالت سرقتها من جدو صح 
اقترب منها اكثر و عينيه تبوح با لكثير و الكثير مما يعتمر القلب و قال
ماايلقش عليكي غير ست الحسن .
قالت حسنا مشاغبه بمرح و انت الشاطر علي.
ضحك مجلجلا و قال بثقه مانا شاطر فعلا عندك شك 
حركت رأسها بلا ضاحكه ..
اردفت بسعادة واضحه مش مصدقه انك واقف هنا قدامي يا علي حاسه اني بحلم..
اخذ نفس عميق و قال بصراحه لولاكي عمري ما كنت هاقف هنا يا حسنا
بادلته متسائله انت عملت كده عشان خاطري
عشان خاطر حبك ياحسنا
ماينفعش قلبي يتملي بحبك و يكون فيه مكان للكره 
نظرت اليه و تسائلت بخفوت ليه اتنازلت عن نصيبك
اجابها بما يجيش بصدره قولتلك عشان يبقي مهرك في
الاول ماكنش عندي اللي اقدمهولك بس دلوقتي الوضع اتغير ...عايز اسألك يا حسنا لو كنت فضلت زي زمان ماعنديش
مسك يدها و قال 
عايز اتكلم معاكي
في
ايه
في مستقبلنا يا حسنا
رددت خلفه مستقبلنا
اجابها مؤكدا طبعا مستقبلنا و مش هاحب اخد خطوة في اي حاجه من غير رئيك عايزك تشاركيني كل حاجه
تسائلت حسنا و قالت وعايز تشاركني في ايه دلوقتي
اخذ نفس عميق و قال بهدوء انا مش هاقدر اسيب حتتي ده المكان اللي اتربيت و كبرت فيه و مش عايز اسيب ناسي اللي هناك ...و برضو عشان نكون واقعيين انتي مش هاتعرفي تعيشي هناك و اسكنك في شقة امي مثلا ...ده غير امي مش عايزه تسيب بيتها و لا جيرانها

و وافقت بس اني اجدد الشقه و اجيبلها عفش جديد
قال بمحايده ووضوح 
..مش عايز احس انك معايا في عيشه اقل من اللي اتعودتي عليها ..قبل مايبقي معايا الفلوس دي كنت ما بنامش من التفكير يا حسنا ..ازاي تسيبي قصر زي ده و تعيشي في شقه صغيره في منطقتي ... كنت مړعوپ
و ابتسم لها و قال براحه بس دلوقتي الحمدلله الوضع اتغير فا قررت امسك العصايه من النص فانا بفكر اجيبلك شقه في المكان اللي تختاريه بالعفش اللي يعجبك و انا هاكبر الورشه و ازود العدة و باقي الفلوس هاحطها في البنك و شويه وقت و افتح ورشه في مكان تاني تكون كبيره 
تسائلت حسنا و طنط هاتسيبها 
اخفض راسه و قال دي اكتر حاجه بفكر فيها
ابتسمت له و قال بحب ماتفكرش و لا حاجه ها نجيب الشقه و مش لازم تكون كبيرة اوي كفايه انها تكون علي قدنا و نبقي مابين شقتنا و طنط مش هانسيبها ابدا وانا معاك ما كان ما تكون و بلاش تفكر في المستويات يا علي..انت عندي اعلي من اي حد و ما عنديش مشكله اعيش معاك في اي مكان المهم اكون معاك ..
ضحكت له و قالت بسعادة 
مش مصدقه اننا واقفين بنخطط و نرسم لمستقبلنا مع بعض يا علي مبسوطه اوي اوي..
حك انفه بتفكير مصطنع و قال نسينا حاجه مهمه جدا.
تسائلت هي باهتمام ايه هي
غمز بعينيه بعبث و قال مقربا وجهه من وجهها العيال نسينا العيال ..انا عايز كل ٩ شهور عيل
ضړبته بخفه علي كتف وتمتمت باخراج عيب كده 
و لأنه علي الحسيني وافق علي طلب جده و عمه علي حفل زفاف داخل احدي القاعات الفخمه...حتي يظهر اخيرا كا الحفيد الاكبر لعائلة الحسيني و لزفاف حسناء عائله الحسيني و ايضا ليستطيعو ا دعوة رجال الاعمال و الصفوة ولن ينسي ايضا دعوه أهله من منطقته....
ولكنه ايضا الاسطي علي اقام ليله قبل الزفاف لمنطقته بين اصحابه و جيرانه يفرحون به بطريقتهم و ايضا اراد ان يتم عقد القران هنا حتي يعرف الجميع انها له و تخصه ...
انتصب الصوان و علقت الزينه و انطلق المزمار البلدي ينشد و يشعل الاجواء بهجه.....
واحمد و عماد الذين ارادو مشاركته فرحته هنا ايضا ...حتي العروسه اتت تشاهد الحفل هنا بين النسوة الذين يلقون الزغاريد باستمرار وهدي التي تذهب هنا و هناك ببفرحه عارمه......
ضحكت حسنا علي رقص هدي مع هنا علي المزمار الواصل صوته لأعلي بصخب ....
اما بالاسفل وقف علي يستقبل المدعوون بحله غير رسميه فقط بنطال اسود و قميص ابيض و بليزر اسود و لحيه مشذبه و جذابه و فرحه عينيه الواضحة التي لم تخفي علي أحد...
ابتعد الحاج حسين وقال مبتسما تأثرا مبروك