روايه بقلم سهيله سعيد
المحتويات
من انهاردة واكون ليك لوحدك ولو مش عاوزنا نتجوز مش مهم المهم اكون معاك
شهاب وهو بيزق ايدها وهو مصډوم م الكلام لا دة انتي مچنونة بجد
كارمن قول عليا الي تقوله بس انا مش هسيبك ليها
شهاب وانا بحبها هي ومش هسيبها
كارمن عادى م ياما حبينا وافترقنا .. عادى
شهاب لا مش عادى .. بالنسبالك انتي عادى والي عندي قلته خلاص
لسة هيمشي تمسك ايده
كارمن ودموعها بتنزل عشان خاطري متسبنيش انا مستعدة اكتبلك الشركة ب اسمك والي انت تطلبه هيكون ليك وهعملك الي انت عاوزه وهخليك ملك ع الكل وفوق الكل بس خليك معايا
كارمن هتضيع من غيري ي شهاب
شهاب انتي الي ضايعة ومحتاجة تلاقي نفسك .. فوقي الفلوس مبتشتريش رجالة
تبوسه فجأة يزقها ويضربها بالقلم تقع ف الارض ينزل عندها يقرفص قصادها
شهاب طيب بما انك مش عاوزة تجبيها ل بر ف انا هجيبلك اخرها .. انسي ان انا اكون مع واحدة زيك .. الي داسها الكل دي انا بقرف منها بشمئز كدة .. وكل حاجة بعملها ب مزاجي مش بمزاج حد ومفيش اي حاجة تتخيليها ممكن تغريني ولا فلوس ولا جمال ف شيليني من دماغك احسنلك ي كارمن عشان مسمعكيش كلام تكرهي عليه نفسك وتكرهي اليوم الي عرفتيني فيه .. تمام
كارمن ب صړيخ وعياط ورحمة امي لتجيلي راكع ي شهاب .. وربي لتجيلي راااااااكع
يسمعها شهاب وميردش يركب متوسيكله ويمشي يعدي الوقت ويوصل شهاب الشارع يطلع البيت يمسك الفون ويرن ع فاطمة عند فاطمة نايمة فاطمة ع السرير عمالة ټعيط م الۏجع وهند قاعدة معاها يرن الفون ترد هند
هند الو
شهاب ايه ي هند فين فاطمة !
هند تعبانة مش قادرة تمسك الموبايل
شهاب طب انا جاي
هند ماشي
تقفل هند
هند فاطمة
فاطمة ايه
هند شهاب جاي
فاطمة ماشي
هند ماما .. ماما
الام ايه في ايه !
هند مفيش حاجة بس شهاب جاي قلت اقولك
الام ليه في حاجة !!!
هند لا جاي يبص ع فاطمة عشان تعبانة
الام طب خليكي معاهم ولا اقوم انا
هند لا خليكي كملي نوم انا قاعدة معاهم واسراء ف اوضتها نايمة
الام طيب
يخبط الباب تروح هند تفتح
هند تعالى
شهاب فينها
هند ف اوضتها تعالى
يدخلولها
هند نامت باين
يقرب شهاب نحيتها
شهاب فاطمة .. فاطمة انتي كويسة
فاطمة ب تعب زوري واجعني .. مش قادرة .. اتكلم
يلاقي جنبها كمدات
شهاب هي سخنة
هند اه عملتلها كمدات بس الحرارة مبتنزلش
شهاب طب هنزل اجيبلها لزقة السخونية دي م الصيدلية هتكون اسرع
هند ماشي
ينزل شهاب الصيدلية يجيب اللزقة ويطلع تحطهالها هند ويكملولها الكمادات يعدي الوقت شهاب قاعد جنب السرير ف الارض ساند ضهره عليه وهند قاعدة فوق سريرها قصاده
شهاب لو اعرف ان كل دة هيحصل مكنتش ودتها والله
هند وانت هتعرف منين انها بنت كلب كدة .. سوري يعني
شهاب لا هي بنت ستين كلب مش كلب واحد
هند حصل خير هي هتبقا كويسة دلوقتي
شهاب ب تنهيدة يارب
هند انت كدة هتعمل ايه هتشتغل ف مكان تاني
شهاب لا هفتح مكتب اوزع منه .. كنت لسة قايل ل فاطمة انى فهمت الشغل هناك وكنت عاوز كدة كدة استقر لوحدي
هند كدة احسن متخليش حد يتحكم فيك
شهاب بالظبط
يسكتوا شهاب باصص للارض وهند بصاله يرفع عينه يلاقيها بصاله تتوتر وتضير وشها
هند وهي بتقوم هعملك شاي
تروح هند المطبخ تعمل شاي يقوم شهاب يقعد ع السرير جنب فاطمة ويحط ايده ع دماغها يشوف حرارتها تفتح عيونها
شهاب ب حنان ايه ي قلبي
تبتسمله
شهاب حاسة ب ايه
فاطمة ب تعب احسن شوية
شهاب طب ايه رأيك ننزل نروح مستشفى
فاطمة لا لأ مش هقدر
شهاب مش هتعبك والله
فاطمة معلش والنبي خليني هنا احسن انا مبحبش قاعدة المستشفى
شهاب خلاص الي يريحك طلاما بتتحسني
فاطمة اه
شهاب انا رحت ل كارمن
فاطمة رحتلها ليه !!!!
شهاب هزقتهالك وسيبت الشغل خلاص
فاطمة هي ليه عملت كدة ي شهاب !
شهاب الي زي دي مفكرة ان ب فلوسها تقدر تعمل اي حاجة
فاطمة انسانة ساڤلة اوي
شهاب امممم
فاطمة طب انت هتعمل ايه
شهاب ولا حاجة من بكرة هدور ع شقة ايجار صغيرة كدة افتحها مكتب
فاطمة ربنا هيفرجها ب اذن الله عشان انت مبتعملش حاجة غلط وشقاك مش هيروح ع الفاضي
شهاب شهاب وهو بيبوس ايدها ادعيلي ي قلبي
فاطمة دعيالك دايما والله.. يتبع
شهاب وبعدين ي عم انت بتتعب وبتحلو كدة هتهور والله
فاطمة ههههه
تقرب هند بالشاي تلاقيهم بيهزروا تفضل واقفة بصالهم ومبتسمة تعدي الأيام وشهاب يأجر شقة وبيوضب فيها للمكتب شهاب ف بيت فاطمة هند ف المطبخ بتعمل الاكل مع مامتها وشهاب وفاطمة قاعدين برة
شهاب ب انفعال م تغوري بقا غوري
الام ايه دة في ايه !!!
هند مش عارفة !!
تطلع هند تلاقيهم قاعدين ع الكنبة وبينهم فون شهاب بيلعوا هوكي
هند الله يحرقكم خضتونا فكرناكم بتتخانقوا
فاطمة ب ضحك لا دة پيتخانق مع الكورة عشان غلباه
هند ههههههه عيب والله
شهاب انتوا هتتريقوا عليا
متابعة القراءة
