روايه عشقت عدويه كامله

عيونك يا حبيبتي .
ابتسمت .
مافيش حاجه يا طنط سمر .
تعالي يا ايه ونبي قطعي الخيار دا.
حاضر يا طنط سعاد.
قلعت طرحه الاسدال.
ووقفت اقطع الخيار .
خلوا بالكوا احسن حد يدخل وانتوا قالعين شعوركوا كدا.
ضحكنا كلنا 
رديت .
متقلقيش يا طنط هند ما انتوا تنبهونا بقا .
ياختي ونبي ما حد هيلحق ينبهك .
عندها حق انتي هتلاقي إسلام واقف جمبك اساسا مش هتحسي بيه .
عاوزه اسأل سؤال .
اسألي .
وقفت قدامهم.
ماما ماټت ازاي .
لقيت مراتات عمامي ارتبكوا .
تعالي يا ايه عاوزاكي .
فى اي يا طنط هند .
تعالي اسمعي الكلام.
حاضر.
اخدتني من ايدي ووقفنا فى اوضه تيته جمب المطبخ.
يا ايه يا حبيبتي السؤال دا متسأليهوش تاني علشان ابوكي ميزعقلكيش 
ليييه هو انا سألت سؤال عيب.
اسمعي الكلام يا ايه .
رديت بقله حيله.
حاضر .
رجعنا المطبخ وطلعنا الاكل علي السفره .
حطيت معاهم الاكل وسيبتهم وقومت .
رايحه فين 
مش جعانه .
اقعدي كلي انتي مأكلتيش حاجه من الصبح .
يا بابا مش جعانه .
اييه .
تيته شدتني من دراعي ووشوشتني .
اقعدي اسمعي الكلام.
حاضر .
قعدت جمب تيته وتسنيم .
تسنيم يا بتي بدلي مكانك انتي وعامر هاتيه جمب ايه .
الاكل وقف فى زوري .
فضلت اكح وتيته تخبط براحه علي ضهري .
يقعد فين يا بابا تسنيم خليكي.
قومي يا تسنيم يابتي .
يادي النيله عليا .
عامر جه قعد جمبي علي الكرسي وبيراقبني وانا مش عارفه اخد راحتي .
اكلت بس مش اوي وقومت سيبتهم وطلعت اوضتي.
ذاكرت من الحاجات االلي منه ورودينا بعتتهملي علي النت .
ومره واحده النت قفل.
يوووه .
خرجت من اوضتي لفيت علي كل بنات عمامي يقولولي عامر غير الباسورد...
خبطت علي إسلام ووقفت علي الباب.
عاوزه حاجه يا ايه
إسلام ممكن باسورد الواي فاي اللي اخوك غيره.
معرفهوش جه كتبهولي علي التليفون ومشي وغالبا مافيش حد يعرفه .
طيب ممكن تاخد تليفوني وتخليه يكتبهولي .
انا بكلم واحد صاحبي.
خلاص يا اسلام شكرا .
قفلت الباب ودبدبت علي الارض برجلي .
هعصر علي نفسي لمونه واتزفت اروحله .
خبطت عليه.
ادخل.
ممكن باسورد الواي فاي االلي حضرتك غيرته .
ايه دا هو انا غيرته .
عامر !! بسرعه انا مش فاضيه ورايا مذاكره .
في حد يكلم جوزه المستقبلي كدا 
رديت بتقليد صوته .
جوزه المستقبلي .
لقيته ضحك بصوت عالي .
لوسمحت اكتب الباسورد.
طيب اكتبي عندك . ايه عامر.
بصتله بنرفزه .
عامر خد اكتبه .
لييه مش عارفه تكتبيه مش المفروض إنك فى كليه قمه طب علي ما اعتقد
مردتش عليه سيبته يكتب وشديت التليفون من ايده وخرجت .
يتبع .
بارت 5 من عشقت عدوي 
خرجت من اوضته وانا مټعصبه وبدبد فى الارض .
برااحهه !! 
اټخضيت وديرت وشي .
انت عاوز اي .
دبدبي براحه هتصحي اللي نايم.
رديت ببرود .
خليك فى حالك.
لقيت تسنيم خارجه من اوضتها .
تسنيم .
خير.
ممكن تيجي معايا نتمشوا شويه ونبي .
طيب هجيب باقي العيال .
لقيته قرب مننا .
اتكلم بعصبيه.
تمشي فين انتي وهي.
رديت ببرود.
مخنوقه هنتمشوا فى الارض عندك مانع .
ابتسم وحط ايده الاتنين علي .
جاي معاكوا .
في المشمش روحي يا تسنيم الله يكرمك عبال ما البس البلوزه .
شدني من دراعي .
بلوزه اي اللي تلبسيها انتي هتروحي كدا بأسدالك يا ماما.
نزل ايدك يا عامر ابعد بقا عني اوعي .
ساب ايدي .
سيبته ونزلت روحت لتيته .
ادخل.
كنت بدمع .
تيته انا عاوزه اروح ازور ماما.
فتحتلي ايديها .
جريت علي وتبت فيها مسحت علي طرحتي بهدوء.
لو قلبك هيرتاح روحيلها .
رديت بدموع .
هيرتاح قلبي واجعني .
روحي وخدي معاكي بنات عمك.
حاضر .
خدي معاكي عامر واسلام واحمد .
بس يا تيته ..
مبسش اسمعي كلامي علشان تبقي فى أمان .
هزيت راسي.
حاضر .
فتحت الباب لقيت عامر فى وشي .
كان وشي وعيني حمرا من العياط.
قفلت باب الاوضه ومشيت .
بټعيطي ليه .
مبعيطش .
شويه ولقيت تقي وخديجه وتسنيم واحمد واسلام.
مالك يا ايه .
مافيش حاجه يا تقي .
متأكده .
اه يا خديجه .
طب يلا .
خرجنا كلنا وعامر كان متابعني بنظراته .
اسبقوني انتوا وانا هروح مشوار واجي.
رد عامر بتلقائيه .
كلنا معاكي .
ردت تسنيم .
قوليلنا علي المشوار .
رديت بزعل .
ر رايحه قبر ماما.
جايين معاكي .
طيب بس هتستنوني بعيد.
ردت خديجه بمشاكسه .
لييه هتقولي سر وانا معرفهوش .
ابتسمت .
بصراحه اه .
ماشي يا ستي هعديهالك.
ضحكنا