قصر المغربي كامله

عاجنك و عارف تفكيرك عشان كدا حزرتك و لحد هنا الموضوع انتهى...
لم تستطع أن تبرر فهي كانت تنوي أن ټنتقم منها في بنتها
الجد نقطة كمان مش عايز البيت يبقى نظام أحزاب كلنا عيلة وحدة فاهمين و منة و ورد شايف انكم ما بتتعاملوش مع بعض ممكن اعرف ليه
سكتو هم الاتنين
الجد مفيش سبب صح..انتو اصلا صحاب يعني مش غربين على بعض و كونكم تطلعو اخوات دي مش حاجة وحشة دا مفروض حاجة تفرحكم مش تزعلكم وانتي يا ست منة مش كنت بتقولي نفسك يكون عندك اخوات ولما جت ملك تعيش معانا فرحتي و قلت أن ملك اختك و و لما عرفتي ورد قلتي ان ورد اختك اهي لما بقت اختك بجد اتراجعتي ليه

سكتت منة وهي تفكر في كلام جدها وهي تعلم أن ورد أيضا لم تكن تعرف و انها ليست مذنبة بالعكس هي ضحېة زيها و يمكن هي أحسن لأنها اتربت بين أهلها عندها جد وولاد عم بقو ليها اخوانها إنما ورد مكانتش ليها غير امها
أحست ملك أن الجو أصبح متوتر فحاولت تغير الموضوع 
ملك يا جدو عايزة اشتكيلك من ياسين
الجد ماله إياك تكون مزعل حفيدتي يا ولد
ياسين وانا ايه يا جدي جايبني من الملجة وانتي ياستي انا عملتلك ايه يا ختي
الجد لا حفيدي بس دي ملك خط أحمر إللي يزعلها يا ويله وانتي يا حبيبتي اشتكى عملك ايه 
ملك ما خدنيش شهر عسل يا جدو ضحك عليا اكمني ولية مکسورة الجناح
ضحكو عليها
الجد ليه مخدتش مراتك شهر عسل يا استاذ
ياسين كنت مشغول يا جدي و قلت لها اما افضى
ملك باقله 7 شهور ما فضيش يا جدو 
ياسين ما انتي عندك جامعة
ملك دلوقتي معنديش
الجد زين هينزل الشركة معاك يشيل عنك شوية. ابقى خذلك اجازة ووديها مكان ماتحب
ملك يعيش جدو القمر
زين افرحي ياختي هيسبلي الشغل عشان يفسحك دنيا قاسېة
ملك متزعلش ياخويا هيبقى يردهالك مش كدا يا سنسونتي
زين بتريقة بجد يا سنسونتها
نظر لهما ياسين بحد
زين معلش يا ياسين بيه مش قصدي
ياسين ايواة كدا اتلم. وانتي مفيش اي سفر بكورتك دي اما تولدي بالسلامة
ملك ايه كورتك متحترمني شوية دا ابنك يا بيه
نهض ياسين و قبل رأسها ورأس نرمين حقك عليا هبقى اقول كرشك يلا انا اتاخرت
نظرت له بغيظ وهي تتوعد له
نهض أدهم و منة أيضا يلا يا جماعة نشوف وشكو بخير احنا كمان اتاخرنا و ذهبو باتجاه الباب و لكن عدت منة فجأة و احتضنت ورد فاحتضنتها هي أيضا و عيطو مع بعض
أحمد بص عليهم و دموعو جريت ڠصبا عنه و كان مبسوط أن علاقة بناته كويسة ذهبت منة في اتجاهه و هي تمسك يد ورد و قامت باحتضانه ظلت ورد واقفة تنظر له و لا تعرف هل تسامحه
أحمد سامحوني يا بنات و مد يده لورد فلم تحتمل و دخلت هي أيضا إلى

حضڼ أبيها و كانو يبكون و اتصالحو مع بعض
فعيطت ملك و قالت لياسين اتصرف انا عايزة اخت انا كمان
ياسين هبقى اجيبلك اخت من السوبر ماركت و انا جاي
ملك بص حلوين ازاي انا هخلف كمان عشان ابني مايكونش وحيد
ياسين أن شاء الله مش هيكون وحيد احنا ناوين نعمل زحمة في القصر.. ضحكت ملك
بعدها خرجو أدهم ومنة إلى المطار و ياسين وزين إلى الشركةقصر_المغربي
ريل_محمد
ملك ماما ممكن تجي معايا عند الدكتورة النهاردة اصلا ياسين مشغول وانا مش عايزة اروح لوحدي 
نرمين اه طبعا من عنيا يا حبيبتي يلا اجهزي وانا كمان هروح اجهز نفسي 
ملك وهي تحضنها ربنا يخليكي ليا 
نرمين ويخليكي يا حبيبتي 
ذهبت ملك إلى الدكتورة الخاصة بيها ومعها نرمين و قامت بالكشف
نرمين هي يا دكتورة بطنها كبيرة عن المفروض ولا انا بيتهيائلي
الدكتورة اه ما هي حامل في توأم
نرمين وملك بفرح بجد
الدكتورة ايواة انت مش عارفة
ملك اه ما انتي ما قلتليش
الدكتورة بضحك ما انتي ما سالتيش
ملك طب ايه نوعهم
الدكتورة ولاد
ملك الاتنين بصي كويس يمكن تلاقي بنت
الدكتورة لا الاتنين ولاد ربنا يرزقك بالبنت المرة الجاية
ملك امييين
نرمين فكرتيني بنفسي فكل مرة بقول للدكتورة بنت تقولي ولد لما كنت حامل في زين مرضتش اعرف نوعو ايه على أمل انه يكون بنت وطلع ولد