يونس

بارك الله لكما وبارك عليكما وجمع بينكما في خير..
قالها المأذون بصوت فرحان بس صوته كان سكاكين بتقطع في قلبي كل كلمة كان بيقولها كانت بتهري روحي وتوجع قلبي أكتر ما هو موجوع.
يلاا.
رفعت رأسي ليه وهو باصصلي ببرود أتكلمت بزعيق يلا . يلا إيه . أنا مش هسيب جناح يوسف مهما حصل.
يا بنتي يونس دلوقت بقي زوجك يعني لازم تقعدوا مع بعض.

وأنا مكنتش عيزاه يكون زوجي أنا حلفت أني مش هتزوج تاني وهقعد طول عمري معاكم علشان عمر وعمران بس ليه تجبروني علي زواجي منه لييييههه.
صوتك يا هالة.!
خبطته ده كل الل هامك صوتي .! ومش هامك إنك أخدت مرات أخوك إنت ايييه. صخرة! حجر مش بتحس أنا بكرهك يا أخي بكرهك.
أنا ساكت علي قلة أدبك علشان مراعي صدمتك بس كفاية كده كفاية.
قعدت على الأرض بعد ما ساب أيدي وأنا بعيط حطيت إيدي علي وشي وصوت عياطي علي ومقدرتش اسيطر علي صوتي ولا علي عياطي وبعد كده محستش بحاجة تاني..
فوقت علي صوت حد وهو بيلاعب عمر وبيحاول يخلي عمران يسكت..
حبيبي الشاطر يلا نلعب مع عمر بقي .! بټعيط ليه بس يا عمران عايز إيه يا حبيبي.
كنت ببتسم وأنا عيوني مغمضة وفي بالي أنه صوت يوسف عايز يأكل يا حبيبي هاته أكله يا يوسف.
أحمم.
فوقت واتعدلت بخضة لم حمحم و أستوعبت أن مبقاش فيه يوسف و أن ده يونس.! أتكلمت بصوت عالي إنت إزاي تدخل أوضتي كده من إداك الحق ده أصلا .
طبطب علي ضهر عمران بهدوء واتكلم وهو بيضغط علي سنانه والله لو ناسية يا مدام أنك بقيت زوجتي أحب أفكرك يعني ومين اداني الحق أنا الل أديته لنفسي و أتفضلي أكلي الولد لأنه جعان.
أخدت الولد من أيده أتفضلي برة بقي .
بص لعمران وبعدين بصلي هأخد عمر عقبال ما تخلصي..
عمران وعيطت وبصيت علي صورة يوسف الل مالية الحيطة سبتني ليه يا يوسف مشيت وبعدت لوحدك ليه يا حبيبي ! أنا مش قادرة يا يوسف مش قادرة والله.
كتمت عياطي لم لقيت عمران بدأ يعيط تاني خلاص يا حبيبي أنا آسفة بس يا عمران خلاص..
كلمته بغيظ وأنا شيفاه بيلاعب عمر وبيضحك معاه لو سمحت هات عمر علشان ده معاد أكله.
عمران فين.
أكل ونام.
تمام حبيبي نروح لماما نأكل وبعدين نلعب.
بصله وطلع بحركة لطيفة معناها أنه هيعيط موري حبيبي نأكل يلا.! وبعدين نرجع نلعب يا حبيبي يلا.
أنا هستني هنا يا عمر كل وبعدين تعال.
هز رأسه كأنه فاهمه وبيضحك ضحكة بريئة..
عاملة إيه دلوقت.
بصيت من البلكونة وأنا ببص علي الولاد وهم بيلعبوا معاه