قصه كامله بقلم رونى

ايه يا ماما احنا في ديسمبر ..
اسكتى انتى انتى اصلا مبتحسيش ..
قصف جبهه قدام العريس الى مكنش بيعمل حاجه غير انه يبتسم .. دخلنا البلكونة وقولتله 
هو انت اخرص انا من ساعة ما شوفتك وانت متكلمتش ولا كلمة ..
اا اثلى مم مكثوف ..
مكثوف !! هو في رجالة بتتكسف 
احم ما علينا طب يلا قولى لونك المفضل وفريقك وبتلعب بأى دراع بالبلايستيشن وكمان وظيفتك وسنك واسمك بالكامل وفوت علينا بكرة ..

نعم !!
بص انجز عشان انا كنت بلعب جيم بابجى جوا ولو اټقتلت انا هحملك المسئولية كاملة ..
هو انتى بتحبي تلعبي بابجى !! اصل بصراحه انا مبحبهاش ..
مش مهم تحبها الاهم انى من مدمنين اللعبة دى ومش ناوية ابطل لعب على فكرة ...
  لقيته بيعدل نضارته وبيقول 
للا لا ونتى فهمتى ايه انا قصدى الفرخة ورك الفرخة يعنى ..
بص يا جدع انا مش قادرة اعد اكتر من كده ريحة الكولونيا هتموتنى بص انت تعد تاخد واجبك وتروح وتتصل ببابا وتقوله كل شئ قسمة ونصيب ..
بب بصراحة انا مكنتش عاوز اجى النهاردة ..
يعنى انت مكنتش عاوز تتجوزنى ..
لأ .. انا بحب نهال بنت عمتى ميرفت ..
ماتروح تتجوزها ايه منعك ..
اااصل ماما مش راضية عشان نهال يعنى شبهى ..
لا متقولش شبهك فالشكل ههههههه
اا اه ..
دانتو لو اتجوزتوا هدمروا البشرية وياترا ايه السلالة الى هتجبوها !اكيد ناويين تغزو الفضاء صح ..
لقيته قالى بحزن 
ماما رفضت انى اتجوز نهال عشان شبهى وقالت لو اتجوزنا هنجيب عيال بردو شبهنا والعيلة هتنقرض ..
هههه اه هتنقرض بص انا هقولك على حل بس انت سلملى ودانك ..
اا اسلمهالك ازاى يعنى
تعبير مجازى يا يا ربيع ايه مبتفهمش التعبير المجازى ..
لالا بفهم كملى ..
اا انت تروح للست امك وتقف فى وشها وبكل قوة تقولها انا مش هتجوز غير نهال ..
لقيته عيط وقال
منا قولتلها كده خلتنى انام من غير عشا وخاصمتنى اسبوع ..
مفيش قدامك غير حل واحد ..
ايه هو 
اتجوز نهال عرفى وحطهم قدام الامر الواقع وقولهم يا اتجوزها يا اڼتحر ..
تصدقي فكرة مش عارف مانت غايبة عنى ازاى ..
يلا اى خدمة ابقى ادعيلى انت ونهال ونصيحة منى متخلفوش وخلى العيلة تنقرض من دلوقتى ..
العريس مشى وبعد ساعة اتصل ببابا وقاله كل شئ قسمة ونصيب ..
لقيو ماما داخلة اوضتى وبتعيط وبتقول 
عملتيله ايه ده الواد كان مؤدب وزى النسمة ومفيهوس غلطة ..
قربت من ماما وقولتلها 
بزمتك ده عريس !! ده الراجل كان هربان من الاسرة التاسعه ده كان لابس البلوفر بالشقلوب ..
خليكى كده بتطلعى القطط الفطسانة في كل عريس يجيلك ..
بلا قطط بلا كلاب ده مكنش عريس اساسا ده عود قصب لبسوه هدوم وكانوا عاوزين يجوزوه عشان يحسنوا السلاله ..
خليكى كده تتبطرى عالنعمة كمان وكمان لغاية ما تزول من وشك ..
هو ربيع جرجيرة ده نعمة ده كان عاوز محلول جفاف عشان نعالجه بيه .. روحى يا ماما شوفي ابويا بينادى عليكى روحى روحى ادهنيله مرهم الموراتزم ولا اديله دوا الضغط بدال مانتى واقفة كده