قصه كامله بقلم رونى

استغفر الله العظيم واتوب اليه ...
رفضتى العريس ليه 
مناخيرة كبيرة ..
نعم !!
ودانه اد الطاسة !!
انتى يا بت بتتعاطى حاجه قولى انا ستر وغطا عليكى !!! عالاقل الحق اعالجك ..
اوووف مرتحتلهوش ..
هو كل عريس يجيلك تطلعى فيه القطط الفطسانه لمي نفسك هتعنسي ومش هتلاقى حتى خنفسة تبص في وشك ..
يا ماما افهمينى انا نفسي كده في فارس احلام يجى ويخطفنى على حصانه الابيض ولا حتى حمار المهم يكون رومانسي زي بتوع الروايات هيييح امتى اقبله بقى ...

فالمشمش يا اخرة صبرى هتقابيله فالمشمش ان شاء الله .. انتى يا بت مفكرة نفسك سندريلا ولا ياسمينة الى مستنية الشاطر حسن ..
ايه يا ماما الناس القديمة دى في دلوقتى فيه روبنزل واليسا واختها آنا ..
رو رو ايه !! روبازل دى تعويذه دى ولا ايه 
يا ماما روبنزل الى الست الشريرة خطڤتها عشان شعرها السحرى وكانت حبساها فالبرج ..
وانا مالى ومال البرج !!
ماهو يوجين جه وخرجها من البرج ورجعها لاهلها هيييييح كان رومانسي اوى .. طب عارفة في بداية تعارفهم ضړبته بالطاسة ..
ضربوكى في خلاط يا بت ارحمينى ..
استنوا لما اعرفكم انا مين انا الزمن هدنى ولا حد بيهمنى المهم انا ريناد رينو وحيدة بابا وماما الى عاوزين يجوزونى في اسرع وقت وكانى عنست والعرسان هتخلص من الكون ... ماما كل يوم والتانى تجبلى عريس شكل وكل واحد يطلع أسخم من الى قبله هو انا ناقصة يا ربى .. طب يرضيكم قمر زى تتجوز واحد بودان زى الطاسة ده هو بعضمة لسانه قالى انه بيوصلها بالتليفزيون وبتجبله النايل سات والاوربى ...
تعالو نرجع لماما الى مش مبطلة كلام
ماما قالت هو انتى اخر مرة قراتى رواية كانت امتى 
من اسبوع تقريبا ..
شوفتى اهو طلعتى رجعيه ومتخلفة ابطال الروايات دلوقتى بقوا قرع وبكرش كمان وبقو شبه موظفين الحكومة أكل ومرعة وقلة صنعة .. يعنى ولا هتلاقي راجل بحصان ولا حتى بحمار ..
يالاهوى وليه الاحباط بس ده بدال ما تدينى بوسيتف انيرجى ..
انجى يا حبيبتى اتجوزت على في رد قلبى وبعدها بكام سنه ضړبت نفسها بالسرمة القديمة ....
ليه يا ماما
 يا ماما ده فالمسلسل ولا الفيلم انما الحقيقة حاجه تانية ..
ياختااااي وعلى الى عملوه في بعض في محاكم الاسرة ..
نعم !! هو كان في محاكم الاسرة زمان كده !!
اه كان فيه امال انتى مفكره ايه !! يا ريناد يا حبيبتى ارضي بالى ربنا قسمهولك الواحدة من دول تحلم تتجوز من بطل روايه ويتجوزوا من هنا وتطلق بعد كام يوم قال ايه بيشخر ......
ما هو بصراحة مكنش مفروض يخبى عليها كان يعترفلها من قبل الجواز انه بيشخر ..
 ماما هو انتى طموحك بجد كان نفسك تتجوزى بابا .. حبيتيه يعنى وتقابلتوا جابلك ورد و عزمك في جنينة الاسماك ..
ماما بصت يمين وشمال وبعدين قالتلى 
بعض النظر عن الاسماك وجنينة الورد اقولك على سر ومتقوليش لحد !!
بصتلها بفضول وقولتلها 
قولى يا صفصف سرك في بير ..