المكسوفه_كامله
المحتويات
بدأت اجهز عشان نروح نجيب الفستان
_ يلا
انت لسه جاي من الشغل
_ اه والله اسف معلش كان فيه تصميم لازم اسلمه
لاء مش كده روح اتغدي الاول وارتاح شويه
_ هاكل أي حاجه في الطريق
ادخل يا احمد ادخل
دخل وجبتله مكرونه بشاميل من الي عملاها النهارده
_ امسك كل دا انت بحالتك دييي هيغمي عليك في نص اليوم!
_ ربنا يعينك اتفضل كل
انتي الي عملاها
_ أيوة
مامتك كل يوم تقريبا بتصوت بسببك انك بتبوظي الاكل!
_ أي الفضايح دي طب علي فكرة مصوتتش النهارده
ضحك وكل وبصلي تسلم ايدك
كل ونزلنا ركبنا العربيه وروحنا اول محل مكنش فيه حاجة عجباني روحنا تاني وتالت وبردو ملقتش حاجه تناسبني
_ مفيش حاجه حلوة عليا
تقومي ټعيطي يمريم احنا لسه في الاول
_ الدنيا ليلت ومجبناش حاجة
طب اهدي بالله عليكي طيب اعمل اي بس
_ أنا لازم اخس معظم الفساتين مش حلوة عليا عشان وزني
دا الفساتين مبقتش حلوة غير لما قستيها والله بطلي عياط هنلاقي حاجة تعجبك طب بصي المحل دا
_ دا غالي اوييي لا مستحيل ادخله
دخلنا واول مدخلت وقع نظري علي فستان لونه كافيه كان منفوش نفشه بسيطة والشغل الي فيه كأنه معمول ل أميرة!
دا عجبك مش كده
_ بس باين عليه غالي اوي يا احمد
يا دي النيلة ادخلي قسيه يمريم الله يرضي عليكي
دخلت لبسته وبصيت في المرايا كان شكله حلو اوي عليا كأنه متفصل عشاني طلعت من البروفة وكان مديني ضهره
لف وبصلي من تحت لفوق وقرب مني رائعة
_ ايي قولت اييي
ضحك بهزر والله حلو اوييي عليكي ناخده ولا تحبي نشوف حاجه تانيه
_ انت شايف اييي
شايف أنه هينطق عليكي بجد
_ يبقي ناخده
حجزناه وخرجنا من المحل كان يوم حلو اوييي اول مرة اتبسط كده مع اني مش مبينه .
_ وبدلتك
هبقي اشوفها بكرة إن شاء الله
انتي تعبتي من اللف النهارده هنزل بكرة اجيب أي حاجه
_ وانا خطوبتي يتلبس فيها أي حاجة ولا اييي
لاء والله ابدا
_ بينا يبني علي محل بدل
روحنا اول محل واختارت معاه بدلة سودا دخل قاسها وطلع كان يجنن هو انا بجد هتخطب ل دا
شوفتي أننا ك رجالة بنخلص اللبس في خمس دقايق
_ يا رتني كنت ولد بجد
_ روح حاسب علي البدلة وسيبني دلوقتي
راح حاسب وطلعنا ركبنا العربيه ووصلنا البيت
والعة معاك يعم الله يسهله
اي يمعلم هو انا شاقطها دييي مراتي
_ انت عبيط يا احمد ولا اي احنا لسه خطوبتنا بعد بكرة!
حرمنا المصون اطلعي بيتك المؤقت
ضحكت
متابعة القراءة
