اتجوز واحده ارمله

سبع سنين بصت للست بتركيز وقالت پصدمه انا افتكرت حضرتك
الام والهانم كمان مكنتش فاكره بس انا بقا فاكره كل كلمه قولتيها وردت اللي كان ابعد ما يكون عن الأدب
حور ردت وهي فعلا محرجه لما افتكرت اللي قالته انا افتكرت ي طنط وحضرتك عندك حق ولو اخدتي ابنك دلوقتي ومشيتي يبقا حقك بردو انا لو كنت اعرف ان هو ابن حضرتك كنت اعتذرت بكل أدب عن الرؤيه دي لان معنديش الجرأه اني ارفع عيني ف عين حضرتك بعد اللي حصل
وفاء فهميني ي حور هي دي الست اللي قابلتك ف اول مكتب اتدربتي فيه صح
ايوه ي ماما
حور انا هفهمكم تاني يوم تدريب ليا كنت لسه عندي 19 سنه لسه صغيره وكنت متكبره لدرجه تخليني اقول اللي قلته لما طنط وارتني صورة ابنها اللي هو حضرتك و قالتلي بكل ود اي رايك ي جميله ابني زي القمر دكتور و لسه بادئ حياته و بدل ماارفض بكل هدوء رديت وقلت بصوت عالي حبتين اي القرف ده انا اتجوز ده واي لسه بادئ حياته دي طبعا معندوش ولا شقه ولا عربيه ولا اي حاجه وانا بقا المفروض امشي المركب معاه صح و بعدين ي طنط هو عيل لدرجة انه يسيبك اختاريلو ع مزاجك انا مش هرضا بالهبل ده حور كانت بتتكلم ووشها ف الارض وحرفيا وشها احمر من الاحراج وقالت وكلام زي ده كتير.... انت عندك حق ي طنط بس اللي عاوزه اقوله لحضرتك اني لما روحت حكيت لماما وسمعت من امي كلام عمري ماسمعت عن اد اي اللي قلته ده قلة أدب و حياء وان طريقتي دي مش من تربيتي
انا دورت ع حضرتك كتير عشان اعتذرلك عن كل كلمه و لفظ وحش قلته ف حقك أخلاقي دلوقتي متسمحليش اني احكيها حتى.. حقك حضرتك متصدقينيش بس كل اللي اقدر اقوله اللي كلمتك من سبع سنين كانت طفله متعرفش حاجه لسه عندها 19 سنه ومكنتش تعرف حاجه عن اخلاق المسلم ودينها كان أقل من طفل صغير و اديني كبرت و عقلت متأخر شويه بس انا بتأسف لحضرتك مش عشان الجواز تكمل لا
عشان حضرتك ليكي حق عليا ولازم يترد
الام بصتلها وع وشها كل أنواع الدهشه و الصدمه استحاله تكون هي دي اللي بجحت فيها من كام سنه وبدأت تظهر علامات حنان و طيبه ع الام اللي طول عمرها طبعها حنين و طيب مقدرتش تخبي طيبتها بس قالتلها مسمحاكي طالما عرفتي غلطك بس اسفه انا مضطره امش ي وابنها مشي وراها وهو مش مستوعب ولا حاجه من اللي حصلت
ابو حور انا عاوز افهم اللي حصل من الاول للآخر و ازاي معرفش حاجه زي كده
وفاء بدأت تهديه وتفهمه وهو كان مصډوم من بنته اللي دخلت اوضتها تبكي اول ما مشيو
ف عربيه محمد العريس سابقا 
محمد انت محكتيليش ع حاجه زي دي قبل كده
عبير مامت محمد خلاص ي ابني اللي حصل حصل بس انت عرفتها منين
محمد فاكره لما روحت الشركه بتاعت أدهم هي بقا كانت بتشتغل هناك شوفت منها كمية ادب و أخلاق و حسن معامله و طيبه ع الموظفين و صبر بان من كذا موقف... ابهرني بصراحه ومن ادبها و حدودها مع كل موظف كبير وصغير.. خلاني جاى مكسوف اطلب منها رقم باباها مشيت وراها مره بعد الشغل كانت داخله دار أيتام اټصدمت ف الاول بس بعد ما مشيت