احببتك رغم الظروف

_أنتى هتفضلي واقفه برا الشقه كده!! متدخلى يبنتى في ايه
حاضر
_مالك في ايه حتى في الفرح كنتى قاعدة هاديه في ايه مش المفروض دا أحلى يوم في حيات البنت تقريبا!!
بص يا حمزة انا هتكلم معاك بكل حريه عشان انت باين عليك انك طيب ومحترم وهتقدر إلى هقوله
_سامعك
احمم.. يعنى اى تيجى تتقدم واول ما بابا يقول موافق تقول هنكتب الكتاب علي طول

_منتى عارفه يا هاجر انى مسافر قريب وأمى قالت لازم افرح بيك 
انا مش عارفه عنك اي حاجة خالص إلى هو المفروض كنا نتخطب الأول على الاقل عشان اعرف عنك اى حاجة انا مش سلعة عشان تشترينى
_انا مقولتش كده.. انا رأيي انك هتعرفينى دلوقتي في الجواز يعنى.. انا يستى شريك في شركة حاسوبات وفي فروع ليها برا عشان كد بسافر كتير عشان اتابع الشغل.. وانتى هاجر 23 سنة وخريجة كليه تجارة وو جميلة اوى
افندم!!
_قصدي يعنى انك حلوة وكده
اه شكرا..
_هتفضلى قاعدة كده مكشرة ووشك في الأرض!!
بعد اذنك
_على فين
هدخل اغير الفستان وانت يريت تغير بردو عشان نصلي
_ماشي.. اتفضلى ولما تخلصي اطلعى وبعدين ادخل انا
ماشي يحمزة..
دخلت هاجر وغيرت الفستان ولبست ترينج وقلعت الطرحة وظهر شعرها الأسود سواد الليل الطويل إلى واصل للنهايه ضهرها وبتخرج من الاوضه
_بسم الله ما شاء الله اللهم بارك
مالك!! متنح ليه
_اصل ما شاء الله شكلك حلو اوى واول مرة اشوفك بشعرك
انت مشوفتنيش غير مرات تتعد على الصوابع اصلا.. قوم غير
_حاضر
دخل حمزة غير البدلة ولبس ترينج وخرج
_ادخل اتوضي انا اتوضيت
صلوا وهاجر ڠصب عنها عيطت
بعد الصلاة
_مالك في اى بتعيطى لى.. اهدى طيب
اصل مكنتش متخيلة ان امشي بعيد عن ماما أصلها مريضه وملهاش غيري وانت عارف انها مش بتمشي فهى اكيد في حاجتى دلوقتي
_طب اهدى عشان خاطرى.. ربنا يشفيها يرب.. هى معملتش عمليه لي
العمليه غاليه جدا ولازم تتعمل برا مصر.. كنت انا عجازها وكل حاجة
_طب معتيش تعيطى انا لاحظت ان باباكى بيحبها اوى واكيد هو معاها دلوقتى
ايوة واخدين بعض عن حب.. طول عمرى نفسي لما اتجوز اتجوز زى ماما وبابا.. انا اسفه
_ولا يهمك انا عارف ان كل بنت نفسها في كده بردو.. متعيطيش.. حضڼ!!
ايه
_قصدي يعنى ان امي على طول بتقول ان الحضن بيهدى الواحد
دا بجد!!
 _شكرا.. بقيت كويسه
إتمنى تبقي كويسه على طول
_شكرا يحمزة انك سمعتنى وخففت عني
العفو دا واجبي.. انتى بتتوابي خشي نامى
_فعلا اليوم كان متعب اوى.. مكنش لازم تصرف كل المصاريف دي في الفرح
عشان يليق بيكى
_مش شرط الفلوس.. يعنى مثلا الحاجات البسيطة بتفرح
عندك حق
_تصبح على خير
وانتى من اهله
_انت هتنام فين
مش هنام دلوقتي هقعد شويه
_تحب اقعد معاك
لا خشي نامى انتى
هاجر دخلت وقعدت على السرير.. كانت جعانة اوى بس مكسوفه تقول.. مكلتش من ساعة مكانت في الكوافير.
_لا مبدهاش بقي انا كده ھموت من الجوع.. هو اكيد جعان زيي ناكل سوا ولا يمكن مش جعان فيقول عليا طفسه!! يووه مش وقت كسوف يا هاجر عادى يعنى هاكل هو انا هرتكب چريمة!!
هاجر خرجت ووشها في الأرض.. وسمعت صوت جاى من اوضه الأطفال صوت حمزة وهو بيضحك وبيقول يبنتى اسمعى الكلام وابعتى الورق في ايميل
_اى دا بيخوني!! من اول يوم كده امال بعد شهر هتعمل اي!! لا وعضلاته مقويه قلبه وبيضحك بصوت عالى.. ادخل اقوله اى اقوله انا مش كيس جوافه ولا اقوله انا مصډومة لا اوفر اوى كده.. امال اقوله اى اقوله طلقنى يطلقنى اى لو طلقنى همشي في الشارع