اسكريبت الجزء الثاني

اسكريبت_الجزء_الثاني
_ نعم
ميرا انا واقف تحت
_ اييه واقف تحت بتعمل ايه
انزلي عايز اديكي حاجه بسرعه
_ حاجه ايه دي
خلصي يا ميرا بقولك
_ لا انا مش نازله غير لما تقولي في ايه
انجزي يا ميرا عشان انا واقف تحت و ريتاچ عايزه تروح.. ف انزلي يلا
_ ريتاج!! ريتاج مين
واحده صاحبتي
_ ص اييييه.. نعم يا مااازن.. صاحبتك ايه دي

في ايه بقولك صاحبتي عادي
_ وصاحبتك بتعمل معاك ايه وانت جايلي يا مازن
اولا هي دكتوره معايا في المستشفي واتأخرنا انا وهي في اوضه العمليات بقالنا اكتر من 6 ساعات في العمليات.. المهم ان انا عرضت عليها نتعشي واروحها... ثانيا بقا انا مكنتش جايلك اصلا
_ والله!! اومال انت جاي ليه وحاجه ايه اللي جايبهالي
انا مقولتش اني جايبلك حاجه.. انا بقولك هديكي حاجه 
_ ودي تفرق في ايه
انا مش جايبلك حاجه.. بس ريتاچ وهي بتركب العربيه لقت اسكيتشات الرسم بتاعتك اللي انتي نستيها الصبح في العربيه.. ف انزلي خديها
_ والله!!.. طيب انا نازله اخدهم اهو استناني
اوك مستني
قفلت معاه وانا مش طيقاه قال صاحبته قال.. منه عماله تقولي مالك يبنتي.. وانا لا حياه لمن تنادي اصلا.. طقت فكره في دماغي فجأه.. روحت فتحت الدولاب ولبست بنطلون چينز اسود عليه بلوزه حمرا وطرحه سوده
ايه دا انتي خارجه!! رايحه فين
_ نزلاله الخاېن الغشاش الحيوااان
عمل ايه بس فهميني
_ جايب بنت معاه في العربيه ويقولي صحبتي.. لا والبجح بيقولها في وشششي
طب وانتي رايحه فين كده
_ نزلاله
وهتعملي ايه بقا!!
_ مننننه... زمانه بيررن دلوقتي لما اجي هحكيلك سلاام
سلام.. اوعي تتهوري ها
_ لا متقلقيش.. مش هتوصل للدم
يبت المجنونه
_ هو لسه شاف جنان دا انا هنفخه هو وهي.. بااي
باي
نزلت بسرعه.. ولقيت الهانم قاعده في العربيه في المكان بتاعي الكرسي اللي قدام!! اه يا حقېر يعني كمان مقعدها مكاني! قريتوا بقا فاتحه ولا لسه.. بس بس اهدي يا ميرا خليكي عاقله.. المهم انها قاعده في العربيه وهو واقف بره العربيه بس قريب منها وبيكلمها من شباك العربيه وماسكين اسكيتش الرسم بتاعي وهو مبتسم اووي وهي مكشره اتنرفزت وروحت نحيتهم.. لقيته فاتح الاسكيتش علي صوره انا كنت رسمهاله ولسه مخلصاها امبارح.. شديت الاسكيتش من ايده بعصبيه
_ انت ازاي تسمح لنفسك تفتح حاجه مش بتاعتك
طب ما انا طول عمري بفتح الاسكيتش ايه الجديد
_ انت طول عمرك بتفتحه لوحدك مش مع حد وروحت باصه لريتاچ
ويااارتني ما بصيت... مش محتاجه اقولكم انها احلي مني يعني لانها معروفه.. بس دي عامله شبه بنات الانستجرام اللي انا بقعد اعاكسهم دول شعرها اسود وساح ونايح كده.. وعينيها لونها عسلي.. حقك ياض يا مازن والله
طب خدي الاسكيتش اهو.. ويلا اطلعي.. وبعدين مكنش له لزوم تتشيكي اووي كده وانتي نازله كنتي لبستي الاسدال وخلاص
_ لا ما انا جايه معاكو
جايه معانا!! جايه معانا فين
_ مكان ما انتوا رايحين
وهو يرفع حاجبه والله!! ودا ليه بقا ان شالله
_ عادي.. عايزه اغير جو
احنا لسه كنا في مطعم امبارح علي فكره
_ امم عارفه.. وعايزه اخرج معاك تاني النهارده ايه المشكله
بعدين يا ميرا... مره تانيه
_ والله!! وانت مش عايزني اجي ليه.. اكيد عايز تقعد معاها لوحدكم.. اكيد عايز تقولها حاجه ومش عايزني اسمعها
لا مش كده.. بس الفكره اني هروح المطعم وارجع اوصلها وبعد كده اوصلك وارجع اروح تاني وانا اصلا قايلك