حكاوى الشتا كامله

Part 1حكاوي الشتا
انتي مدفعتيش الأجره ونازله كدا.. هو احنا فاتحينها لله وللوطن ولا اي..
من وقت مركبت العربيه وهي لفتت انتباهي من كلامها في تليفونها مع صاحبتها كانت بتقول لصاحبتها قدامي عشر دقايق واكون عندك.. كانت متغلبطه وبتعدل في شنطتها والكتب الي فيها والبالطو الي معلقاه علي كتفها وبتتأكد كل حاجه تمام ولا ناسية حاجه وبعدين انتبهت للشتا وسرحت كان باين عليها انها بتفكر في حد..

هي كانت ساكته ومبتردش علي السواق..مكنش ليها اي رده فعل..
انا فتحت وقتها محفظتي علشان ادفعلها.. كان شكلها ناسيه فلوسها..
انا اتفضل لوسمحت فلوسك اهي..
السواق مهو انا برضو مش بشتغل لوجه الله...
انا مخلاص بقا يعم...
هي مسحت الدموع الي نزلت من عيونها وقتها وفتحت شنطتها تاني بعد مقالت اللهم اهدني ضالتي وطلعت 20 ج وراحت نازله وواقفه قدام كرسي السواق كان بينها وبين السواق حاجز صغير من ازاز الشباك وراحت ماسكه العشرين جينيه وراحت رمياها في وشه... وراحت قيلاله انت مترضاش ان حد يعامل اختك او امك بالوقاحه وقلت الذوق ولا اقولك لا انت هتقبل عادي لانك انسان مهزء وابقي خلي الباقي علشانك ولونه خساره فيك.. كانت بتتكلم بكل هدوء وثبات...
السواق بصوت عالي وبيفتح الباب ميصحش كدا يا استاذه..
هي بصوت اعلي منه انت متتكلمش معاياة عن الي يصح وال ميصحش لانك علي بعضك كدا متصحش اصلاا
... انت تخرس خالص.. وااه وابقا رجع للأستاذ المحترم الي عنده ذوق الي دفعلي فلوسه..
حقيقي وقتها البنت دي مسحت بكرامه السواق الارض ومقدرش ينطق وقتها علي اد مهي كانت ملامحها هاديه علي اد ما انا متوقعتش منها تبقا بالقوه دي وتاخد حقها بالطريقه دي...
كانت عادية بس ملامحها جميله وقويه..
عدا يوم التاني وانا عندي احساس اني هشوفها تاني مش عارف ازاي بس عندي احساس قوي بدا.. 
كنت بظبط العلاج علي الرف ولقيت واحده بتقول لو سمحت عاوزه كمامه قلبها وقتها نبض بسرعه كان صوت..
نسيت اقولكو انا يوسف دكتور صيدلي..
يتبع 
Part 2حكاوي الشتا
نسيت اقولكو انا يوسف دكتور صيدلي..
بعد مسمعت صوتها اديرت بسرعه وقربت قبل ما احمد يشوفها عاوزه ايه.. احمد بيشتغل معايا..
انا انتي هي صح!..
هي بصيتلي باستغراب وقالتلي نعم..!
انا انتي البنت الي كنتي في العربيه..
هي اه انا..كانت مستغربه جدا..
انا كنتي عاوزه كمامه!
هي اه.. وعاوزه شريط البرشام ده كمان ..
انا اتفضلي الكمامه بس البرشام هيجي كمان شويا ممكن وانتي مروحه تعدي تاخديه..
هي تمام..
مشيت وانا مش عارف هي ليه بتتعامل معايا واكنها اول مره تشوفني بتتعامل معايا معامله اقل من العادي.. دي مش
واخده بالها مني اصلا..
فضلت قاعد مستنيها لحد مجات وهي مروحه من الكليه..
هي لو سمحت عاوزه شريط البرشام ده..
انا برضو الي قومت قبل احمد ميقوم.. اه اتفضلي..
محتاجه حاجه تاني!
هي لا شكرا..اتفضل
انا طيب خالي علينا خالص..
هي شكرا.. ومشيت...
حقيقي انا كل ما اتكلم معاها اسرح في عينيها واتنح مش عارف ليه.. وهي برضو ولا مدياني اي اهتمام..
بقيت كل يوم لازم اشوفها.. في شارع.. او في اي مكان بس لازم اشوفها هي كانت صدفه.. بس صدفه انا حاببها جدا بدأت هي كمان تحفظ شكلي وتعرفني..
بقيت لازم كل يوم تعدي عليا علشان تاخد كمامه وانا كل يوم لازم استنا اشوفها قعدت فتره كبيره معرفش اسمها كان كفايا عليا اني اشوفها بس... لحد ما فيوم جات تصرف روشته ليها وكان مكتوب عليها اسمها.. عرفت ان اسمها اميره..
لقيتني المره الي بعديها علي طول بقولها اتفضلي الكمامه يا اميره.. هي اتعاملت عادي وقتها ومسألتنيش عرفت اسمي منين بس عيونها في كل كانت بتبقا مليانه اسئله..
كنت بشوف الاسئله دي ماليه عينيها في كل مره بكلمها بأسمها.. 
جات فيوم ومكنش في فكه قولتلها خلاص وانتي راجعه بقا..
هو كان في عندي فكه بس حسيت اني في اليوم ده هشوفها لمده اقل من دقيقه بس وكنت حابب اشوفها تاني..
دخلي واحد علي الساعه ٣ كان شكله مش مظبوط طلب مني علاج وسرنجه ومكنش ينفع العلاج ده يطلع غير بروشته من الدكتور.. موافقتش طبعا اني اطلع حاجه هو كان بيتعامل بهدوء لحد مدخلت اميره.. وطلع سکينه ولف من وراها وحطها علي رقبتها.. وقتها قبلي كان هيقف.. 
يتبع
Part 3حكاوي الشتا
دخلي واحد علي الساعه ٣ كان