هى مالها ي دكتور

إزاي معرفش وروحنا لدكتور تاني اللي هو محمد صاحبي قال نفس الكلام
التحاليل معاك! 
_ أها جبتها معايا وقولت أعرضها على دكتور تاني
ممكن أشوفها 
_ أكيد 
مسكت ورق التحاليل القديمة والجديدة مع بعض ببص على الإتنين لقيت فيهم أختلاف واحد وهي فصيلة الډم بتاعت نوران في التحاليل القديمة كانت O الجديدة A موجب بس دي مش المشكلة المشكلة أن الورقتين أصلا مطبوعين من على نفس الجهاز ولو سألتني عرفت إزاي أي جهاز أو طبعة بتطبع ورقة بيكون أسم الجهاز اللي طبعها تحت على اليمين ودي أول حاجة أن التحاليل الاولاني والتاني مزورين .. 
_ أنت ملاحظتش حاجة! 
حاجة أي 
_ أن الورقتين مطبوعين من نفس الجهاز أصلا! 
وريني
_ ده حتى اللوجو بتاع الإتنين مش موجود وده عكس العادي المفروض أي دكتور بيكون إسمه موجود أو لوجو خاص بيه على الأقل 
والاتنين مش موجود عليهم لا أسم ولا لوجو لحد فيهم
_ والاتنين مطبوعين من نفس الجهاز 
مأخدتش بالي من النقطة دي خالص
_ عشان دماغك كانت مشوشة ف طبيعي متلاحظش الحاجات دي 
طب والحل 
_ مش عارفة بس هو مفيش حل غير أنك ت ... 
كنا قاعدين بنتكلم ولقيت نوران دخلت علينا فجاة ..
نوران مساء الخير
مالك مساء النور 
نوران رحمه أنتي هنا 
رحمه اه كنت جاية عشان .. 
مالك كانت بتسأل على حاجة بخصوص سنانها 
وبعدين رحمه سلمت على نوران ومشيت ببص عليها لقيتها بتبصلي بغيرة حتى النظرة القادرة بتعرف تمثلها كويس عشان تتصدق . 
جتلي بغرض أنها تاخدني عشان نروح البيت بس أنا رفضت أصلا أنها ترجع لحد مأنا أروح اخدها من بيت اهلها بأسلوب لطيف طبعا ولكن حاولت تتعامل معايا بحنية ووحشتني وبتاع بس للأسف مكنش كفاية أني أصدقها أصلا مشيت وقولتلها بالكتير بكره هاجيلك عشان أخدك بس أنا بصراحة كان في نيتي حاجة تانية خالص .
مشيت من عنده وأنا متعصبة أصلا وشكله كده متضايق مني كنت عايزة أخلص منه ومن القلق اللي معيشني فيه بس شكله كده الموضوع هيتأجل شوية لقيت عمر بيكلمني حكيتله اللي حصل وقالي تعاليلي نقعد مع بعض شوية في الشقة روحت أشتريت شوية طلبات وروحتله على طول .
_ منى أفتحي الباب 
مش فاضية أفتح أنت يا محمد
_ ماهو مفيش غيري هيفتح الباب كل شوية طب ما أشتغل بواب أحسن
روحت أفتح الباب لقيته دليفري بيتزا جه في وقته تلاقي منى كانت طلباه اديت الراجل الفلوس واخدت البيتزا ودخلت على طول ريحتها كانت فظيعة حرفيا مقدرتش أستنى منى تخرج من الحمام روحت أكلت منها على طول وسبتلها نصها ثواني ولقيت الباب بيخبط شكلها شغلانة مش هتخلص أصلا كانت صفاء وحفصة جايين ل منى سلمت عليهم ودخلوا لقيوا البيتزا على السفرة اكلوا منها وخرجت منى تصرخ لهم من جوا بس كانت البيتزايا التانية محدش فتحها راحوا فتحوها مع بعض وأكلوها وأنا سبتهم ودخلت على طول عشان أنام .
حقيقي معاملتي الطيبة مع الناس خلتهم يشوفوني شخص ضعيف عاجز مبيعرفش ياخد حقه أنسان تقدر تتعامل معاه بكل بساطة وأنت مرتاح توديه يمين يجي يمين تقوله شمال يروحلك شمال مش خوفا منك لا ده عشان يرضيك يا غبي بس الطرف التاني عمره ما شاف أنه بيعمل كده بحسن نية عشان عمرهم ما قابلوا حد طيب وأحيانا ميزة أنك طيب ممكن تبقى عيب فيك ولكن بتختلف من شخص لتاني . 
نزلت ورا نوران لقيتها رايحة السوبر ماركت خرجت وركبت تاكسي نزلها قدام عمارة مش تبعها أصلا وهنا شكيت أنها ممكن تكون رايحة لشخص اللي پتخوني معاه ويخربيت الحظ بتاعها ببص عليها وهي خارجة من التاكسي لقيتها بتشاورله من تحت وهو بيشاورله من فوق فضلت أنا أبص يمين وشمال على قرون ألبسها ملقتش بس قولت أأجل موضوع القرون ده بعدين بدون مقدمات كلمت البوليس طبعا عشان أبلغ عنهم وعن مراتي اللي بتخون زوجها مع عشيقها والله تنفع عنوان ل جريدة اليوم السابع ومفيش شوية ولقيت عربية الشرطة واقفة قدام العمارة طلعت معاهم طبعا مأنا شاهد على اللي بيحصل .
وصلت لشقة عند عمر ودخلت عشان أغير هدومي وقعدنا شوية في الصالة ولقيت الباب بيخبط عمر كان