ظلم ابويا ج 3والاخير

انا مش عايزه اشوفه واضعف وارجع معاه انا واخده قراري مش هرجع يعني مش هرجع..
جمال 
ادخلي انتي بس راضي ابنك اللي بيعيط جوه ده وراضيه واللي فيه الخير يقدمه ربنا..
_ قامت مريم ودخلت عند. اياد ابنها اللي كان قاعد زعلان وقالتله..
مريم 
كده يا اياد تزعل تيته وجدو منك وما ترضاش تقعد معاهم..
اياد بحزن 

انا عايز اروح اقعد في بيتنا عند بابا..
مريم 
وانا كمان عايزه اقعد مع بابا وماما واشبع منهم شويه..
اياد 
طيب شويه صغيرين ونرجع تاني بيتنا..
مريم ابتسمت وقالت
ماشي يا حبيبي شويه صغيرين ونرجع تاني عند بيت بابا..
_ وعدي كام يوم ومريم كانت في بيت اهلها وحمدي قاعد في الاوضه اللي تحت السلم من غير اكل ولا شرب وحالته صعبه جدا وايهاب فضل قاعد في شقته مش بيقابل حد ولا حد بيروحله وقفل الورشه الكام يوم دول وفي يوم الباب خبط وراح فتح كانت ساره اخته..
ايهاب
نعم عايزه ايه..
ساره 
هو مش انا بعتلك البواب عشان تنزل اتكلم معاك شويه ما جيتش ليه..
ايهاب پحده 
بقولك ايه خدي ابوكي معاكي وانتي ماشيه..
دخلت ساره وقالت
ابوك حالف ما يطلع من الاوضه اللي تحت غير لما انت تروحله وتسامحه..
ايهاب
انا ما حدش يلوي دراعي ومدام هو عجباه العيشه تحت خليه..
ساره 
انت ليه بالجبروت ده هو انت بتعاقب واحد صاحبك ده ابوك يعني مهما يعمل انت تقوله تحت امرك..
ايهاب 
حقك تقولي كده ما انتي ما كنتيش مكاني ما عشتيش يوم واحد في اللي انا عيشت فيه..
ساره 
وانت كده مرتاح رد عليا بس بكل صراحه انت مرتاح وانت عارف ابوك بيتعذب بسببك..
ايهاب بجمود
قولتلك خديه وامشي خليه يسيبني في حالي..
ساره 
بابا ندمان علي اللي عمله فيك وعايز يكفر عن ذنبه فيك فوض امرك لربنا وراضيه خلي ربنا يرضي عنك.
ايهاب 
لو سمحتي امشي انا مش هكلم حد ولا هصالح حد..
ساره 
انت بتخسر يا ايهاب بتخسر نفسك لما بتعمل حاجه انت عايز تقنع نفسك انها صح وهي غلط..
ايهاب بدموع 
واللي عملو هو فيا وفي أمي زمان هو ده الصح يعني..
ساره 
لا طبعا غلط ومليون غلط كمان بس ده ابوك انت ليه مش عايز تفهم اهلنا مهما عملو