صغيرتى ج1

سمعت صوت خبط في الجنينة...فتحت شباك الاوضة ولقيت في حد واقع علي الارض .... طلعت بسرعة اشوف في ايه ...بس لقيت بنت...... معرفش مين دي وبتعمل ايه هنا ؟! بس اللي خضني اكتر اني لقيت في چرح في رأسها ، هي اتخبطت في حافة الترابيزة واتعورت ...شلتها ودخلتها اوضتي. .....

- عز ...تعال اوضتي بسرعة ، لقيت في بنت غريبة واقعة في الجنينة

عز وشهاب في ثواني كانوا في اوضتي

شهاب : هو ايه اللي حصل ؟!
- انا معرفش ، انا سمعت صوت طلعت لقيت البت دي ، وكمان متعورة واضح اتخبطت في الترابيزة ...بس هي مين دي ؟!

شهاب : صبا ...
- دي ؟! بس مش صغيرة اوي

عز : البت ھتموت بسبب عنادها دي ...انا هروح اشتري محلول بسرعة وجاي

- في ايه ؟!
شهاب : هي مانعة اكل من امبارح الصبح ...وماكلتش حاجة ومؤكد عشان كدا اغمي عليها

فايزة: هو اخوكم  عز بيجري ليه ؟؟ اي دا ؟!هي صبا مالها ؟! هي متعورة ليه ؟!
-مټخافيش هتكون كويسة ...هي بس محتاجة ترتاح

فايزة: شهاب ، هي مأكلتش حاجة خالص ؟!
شهاب : لا

فايزة ' البنت دي عنيدة جدا لازم تعقل شوية ...انا كنت فاكرة أنها ممكن تنزل في الليل تاكل ....حقيقي محتاجة كسر رأسها

عز : هي بكرا هتكون بخير يا جماعة متقلقوش ...

انس بصلي و الكل بصلي ...مفهمتش هما قصدهم ايه ، انا فكرتها بنت صغيرة اصلا وهي كانت بشعرها .... جدتي غطت شعرها وطردتنا كلنا برا

شهاب: انا مبسوط اوي النهاردة
عز: ليه يعني ؟!
شهاب : عشان اول مرة جدتي تطرد وتهزق انس معانا

هو ضحك وانا بصتله ببرود فسكت ...طيب انا دلوقتي هنام فين ؟!