الخائڼه
في مشاعر ما بينكم
ايه بقى يمنع انه يكون دا حقيقه وانت كنت ماسك إيدها بجد
اولا انا مش كذاب
وثانيا أنا قولت اني كنت اعرفها من قبلك ولو فرضا
كنت مسكت ايدها كنت هقولك هنكر ليه
بس انت قولت أن الصورة من 6 شهور
دا حقيقة لانه كان في حفلة في الشركه وقتها
ودي كانت المرة الوحيده اللي اتصور فيها معاها
مش معاها لوحدها
بس يومها كنا كلنا بنتصور ..صور جماعية وسلفى
واكيد انا اتصورت يومها معاها ..بس انا واثق
اني ممسكتش إيدها يومها ولا في اي يوم تاني
وبعدين ثواني كدا
أيه في ايه
استني بس
مسك موبايله وبص الصورة تاني بتركيز وقال
بصي هنا بقى عشان أثبتلك بس
واحنا بنقطع التورته وماسكين السکين
كلنا مسكنا السکين مع بعض ..يادوب كل واحد
لمست إيده السکين واللي ابعد حط إيده على ايد اللي جنبه
طبعا هي شالت كل اللي في الصورة وسابتني انا وهي بس
وحاولت تقرب نفسها مني عشان تبان انها واقفه جنبي
بالظبط رغم وجود واحد ما بينا
وهو اللي كف إيده ظاهر في الصورة مش ايدي انا
وانتي عارفه اني مش بحب البس حاجه في إيدي
عرفتي بقى انها اللي عاوزه توقع ما بينا
عشان سبتها واخترتك انتي
سكت شوية وفضلت اركز في الصورة وفعلا كلام عمر كان حقيقي وانا عارفه انه مش بيحب يلبس خواتم
او يحط حاجة في ايده
اممم طب ودبلتي كمان مش بتحب تلبسها
كفاية انها بتفكرني بيكي
ضحكت وبصيت للأرض
وقالي بعضب
لكن انتي بقى اللي قلبتيها مناحة وبخونك وعياط
وجو نكد وقلعتي الدبلة طبعا
بصيت لأيدي وافتكرت اني قلعت الدبله وانا بعيط
وقولت مش عاوزه حاجه تفكرني بيك
سكتي يعني
ماهو اصل يا حبيبي
طب قومي بسرعه البسيها قبل ما حد يلاحظ
لقيته بيقولي
عارفه لو خلعتيها تاني هيكون اخر يوم في عمرك
ضحكت وأنا بقوله
لا أطمن من هخلعها الا لما انقلها من ايد للتانية
وساعتها بقى هتبقى ادبست رسمي طول حياتك
تمت
