اوصفلي شكلك

يعني ساعتها مش هقدر أقف في وشك لوحدي !
ممدوح وهو بيخرج وصل من جيبه وبيمدلها أيده اتفضلي 
وعد برفعه حاجب ايه ده 
ممدوح پصدمه انتي بتعرفي تقرأي!
وعد وهي بتبصله بحزن انا خريجه اعلام ياممدوح باشا 
ممدوح بذهول بتهزري
وعد وهي بتهز رأسها لا مش بهزر ...ها ياممدوح باشا هنبدء المهمه أمتي 
ممدوح وهو بيبص قدامه بغموض دلوقتي 

وعد پصدمه دلوقتي دلوقتي 
ممدوح اه يالا جهزي نفسك عشان هنروح علي الفيله ونكتب الكتاب 
يالا ياممدوح باشا انا جاهزه 
بعد مرور ربع ساعه وصلوا قدام فيله كبيره لاول مره تشوفها وعد في الحقيقه هي دايما تشوف الأماكن ديه في الافلام والمسلسلات انما عمرها ما كانت تتخيل في يوم انها ممكن تدخل مكان زي ده !
وعد يالا
فاقت من شرودها علي صوت ممدوح ودخلت وهي ماشيه تبص يمين وشمال بذهول مره واعجاب مره وخوف من كم الحرس اللي معاهم كلاب مره ...
ممدوح وهو واقف علي الباب وعد خليكي هنا خمس دقائق أمهد للعيله الموضوع 
يا انسه انتي كويسه 
وعد بخفوت ا انا كويسه ا انا اسفه جدا م مكنتش اعرف ان حضرتك مش بتشوف 
هو بابتسامه صغيره وحزينه ولا يهمك واسف مره تانيه 
في الداخل
وانا قولت مش هتجوز يابابا 
ممدوح
ليه بس يابني انا نفسي افرح بيك انا وجدك ومامتك ليه عايز تحرمنا من الفرحه 
هو بعصبيه عشان انا مش عايز اظلم حد معايا انا مش عايز اتجوز حد يشفق عليا اللي هيشفق عليا مره مش هيشفق طول العمر تقدر تقولي لو تعبت في مره مين اللي هيوديها للدكتور ساعتها هكون عاجز طب لو حد اتعرضلها أو اتخطفت من قدام عيني انا هعمل ايه طب لو حامل وبتولد ساعتها هعمل ايه طب لو لبست لبس حلو عشاني عشان تسمع كلمه حلوه مني زي ما اي ست بتكون عايزه تسمع من جوزها انا ساعتها هقولها ايه انا مش شايف غير ضلمه يابابا في كل مكان بروح مش بشوف غير ضلمه انا مستحقش اكون زوج لحد ومين قال اني مش نفسي اتجوز واحب واتحب واكون اسره انا نفسي يابابا