الضحيه
امضي ليهم وانت مطمن وانا هبلغ الشرطه
وهتوصلوا ليا ازاي الناس دي مليون في الميه هتغدر بينا
هيبقى في حد ماشي وراك بس هيخلي باله كويس اوي ومتقلقش انا هحكي للشرطه كل حاجه
طب متعرفش مين اللي ممكن يعمل كدا
مش عندي فكره كنت بقول ادريان لأنه من زمان بيحاول لكن مطلعش هو بس والله ما هرحمهم وكلهم هيروحوا في داهيه انا سجلت مع الحيوان اللي انت كلمته
وانا سجلت كلامي مع الناس اللي خطفوا زينه
كويس ان عقلك اشتغل مره وفكرت برا صندوق اڼتقامك
انا مش هقولك حاجه دلوقتي يا وسيم لكن كلامنا بعد ما بنتي ترجعلي بالسلامه ولو سامحتك فهيكون عشان انت كنت فاهم غلط والكره عماك عن الحقيقه
اهم حاجه ارجع زينه البيت بالسلامه الوحيده اللي ملهاش ذنب وهي اللي إتأذت
بنتي هتروح ضحېة اڼتقامك ولو مش اڼتقامك فغيرك بيحاول
ان شاء الله هترجع
روح يا وسيم قابلهم واطمن انا في ضهرك لكن ممنوع حد يعرف اني هنا وقتها الشركات كلها هتضيع رسمي والناس دي كلها هتتأذى بسببك
حاضر بس انا مش عارف اوصل لوحيد لأنه قافل موبايله
الوو يا دكتور وسيم
مين معايا
انا هند
ايوه يا هند انت فين
اكيد عرفت ان احنا اتعرضنا لخطڤ
انت فين يا هند
انا مش عارفه انا فين انا فضلت أجري بكل قوتي ودلوقتي انا بكلمك من عند واحد ابن حلال وافق يخليني ارن انا خاېفه يوصلولي ومدام زينه في خطړ وتعبانه جامد انا مش عارفه اتصرف
هند اسمعيني
هات يا وسيم انا هتعامل معاها ايوه يا هند
يونس بيه حضرتك جيت
ايوه يا هند انت فين
انا بجد اسفه مكنش قصدي اسيب مدام زينه لوحدها بس ضړبت اللي كان ماسكني وجريت منه وزينه معرفتش وهما كانوا عايزينها هي مش انا لكن انا هربت من مكان تقريبا قريب من مكانهم هما خرجوا بينا من المنطقه اللي كنا فيها حتى انا مش عارفه انا فين
اوصفي ليا بالظبط انت فين واسألي الراجل اللي بتتكلمي من موبايله على مكانك وانا هبعت اللي يجيبك متقلقيش يا هند انا مش هسيبك ټتأذي
انا خاېفه بس يوصلولي كان في واحد منهم بيجري ورايا بس انا عرفت اهرب منه
انت بنت ذكيه وانا واثق فيك ولو حصل اي حاجه اطمني اني مش هسيبك لكن اوعي تجيبي سيرة اني هنا
حاضر
اوصفي ليا المكان بالظبط ومټخافيش انت زي بنتي
دا العشم في حضرتك يا فندم
عرفت المكان
ايوه يا يونس بيه
انت مش تايه عن هند
روح بسرعه جيبها ليا من هناك وخد رجاله معاك وخلي بالك يا حسين انا بنتي في خطړ
متقلقش يا يونس بيه
انا هتحرك
لازم تستنى هند عشان تفهم منها اكتر عشان تبقى عارف انت هتعمل ايه
حاضر بس وجودنا هنا خطړ وانا خاېف على أمي
لما تمشي انا هاخد مامتك وهنروح على مكان آمن وهقولك على العنوان بس رجعلي بنتي زي ما كنت سبب في خطڤها هرجعها ليك تاني
يا رب تكون المره دي بجد عند ثقتي
متقلقش انت معاك أغلى انسانه في حياتي أمي امانه عندك لحد ما ترجعلك بنتك
انا مستحيل اهددك بوالدتك انا لو هسامحك فعشان خاطر الست دي
ساكته ليه يا ماما
خاېفه عليك اوي ومش عارفه امنعك انك تروح
زينه في خطړ يا ماما
وانت كدا في خطړ زيها احنا نقول للشرطه وهما يتصرفوا انا ماليش غيرك يا وسيم
اطمني يا ماما ابنك راجل وطالما انت بتدعيلي وواثقه في ربنا ان شاء الله هرجعلك
اطمني يا مدام سميه ان شاء الله ولادنا هيرجعولنا
يا رب يا رب يا رب احفظ زينه ورجعها بالسلامه واحفظلي ابني حبيبي
يا رب
ايوه يا حسين
هند معانا يا يونس بيه
بسرعه هاتها وتعالى على البيت التاني
حاضر
بص يا وسيم انت هتسيب عرببتك برا واقفل الباب من جوا وانا عامل حسابي ومظبط البيت دا الباب الخلفي محدش يعرف انه موجود اصلا حتى انت
فعلا انا اڼصدمت لما شوفتكم
لازم ابقى عامل حسابي لأي حركة غدر بس للأسف قولت ان بنتي هتبقى معاك في امان وكمان ادريان في فرنسا ايه اللي هيجيبه إيطاليا بس بغبائك انت خربت كل حاجه
انا عارف اني غلطان بس بردو انت سبب كبير في غلطي انت اتهمت ابويا بالسرقه وماټ بسببك
مش وقت الكلام دا خالص المهم دلوقتي تيجي معايا عشان نشوف هنعمل ايه وترجع تاني وتخرج من البيت ولا كأن حاجه حصلت
حاضر
انا اسفه والله انا معرفتش أنقذ زينه هانم
انت مالكيش ذنب يا هند
سامحني يا دكتور وسيم لكن والله مدام زينه بتحبك اوي وكان نفسها تجيلك الشركه كانت قلقانه عليك
وزينه
