عالجتها
كريم كلمني حسيت أن روحي اتسحبت مني لو كان حصلك حاجه كنت هلوم نفسي اني مخلصتش عليه في ساعتها قبل ما اسلمه
عارف أن زين بيحبك وأنت بتحبيه بلاش توتر احنا علاقتنا صحاب وحبايب زي ما باجي احكيلك أنت بتحكي زين بيحبك بجد وأنا معنديش مشكلة بس بعد الكليه هتتجوزوا أين نعم هو عيل رخم وأنا بغير منه لكن اهم حاجة فرحتك يا روز قاسم
قاسم.. وانا بحبك يا قلب بابي
يالا يا برنسس الحفلة اجهزي وأنا هروح اشوف مامي
خرج قاسم متجه إلى جناحه لكن وقف عندما سمع حديث يوسف ورزان
رزان.... هتفضل قالب وشك كتير يا چو
يوسف.... مفيش حاجة يا أمي
رزان.... لا لا هي وصلت لأمي يبقا لسه زعلان فين روز وزوز حبيبتك متزعلش مني يا يوسف أنت متعرفش روحي كانت مسحوبة مني ومتعلقه ازاي
.... أنا أقدر اقولك ليه ما انت راجل ويعتمد عليك
رزان..... قاسم
قاسم.... روحي يا حبيبتي مع البنات واجهزي وانا هشوف يوسف وبعدين محدش بيزعل من مامته صح يا يوسف
يوسف....صح يا بابا
قبلته رزان من وجنته..... يسلملي حبيبي العاقل
قاسم..... عاوز تعرف
يوسف.... اكيد
قاسم.... من حقك لكن مش دلوقتي... أختك كان لازم تعرف لان هي الهدف طبعا وأنا كنت عارف كده ومكنتش عاوز حد يعرف حاجة عن الموضوع دا لانه حساس شوية لكت حصل اللي حصل بس وعد اول ما تتم ال هتعرف السبب يا يوسف وبعدين عيب كده لسه ملبتش الناس هتيجي مين يقابلهم يالا يا چو البس علشان في ناس كتير عاوزك تتعرف عليهم
وخرج قاسم من عند يوسف توجه إلى جناح حياه
قاسم.... يارب الفستان يكون عجب سمو الأميره
حياة.... بابي حبيبي افتكرت نسيت
قاسم.... انسى حياتي برده فستانك بنفس التفاصيل اللي كنتي بتقوليها قدامك ولو في اي تعديل قولي
حياة.... الصراحه الفستان تحفه يا بابي
حياة.... طبعا
قاسم..... الحق رزان علشان كده هتزعل
حياه بضحك .... طبعا مين قدك
قاسم بعصبيه مصتنعه .... بنت عيب
حياه.... ماشي يا قسوم
قاسم بضحك.... الله يخربيتك مكناش عيال ابدا
قاسم....أنا ماشي
في جناح قاسم ورزان
رزان.....هسرح في مين غيرك يا قاسم حد يصدق حياتي دي اتجوزت وخلفتك وعيالي كبروا والسنين بتعدي وحبك بيذيد هاخد اي من الدنيا تاني وانا معايا كل حاجه ربنا يخليك ليا يا قاسم
يعاملها كالالماس يخا ف من كسره او جرحه
ننتقل لفيلا مالك ومريم
كان يقف زين اما المرأه يرتدي سترته ثم وضع عطره المميز الذي اختارته روز
دلفت مريم وهي تقول.... اش اش اي الحلاوه دي
زين.... حلو بجد
مريم.... قمر يا زين
زين.... حبيبتي يا أمي تسلمي
مريم..... زين أنت في أوله جامعة لسه بدري على الجواز والكلام دا احنا كلنا عارفين حبك لروز لكن لسه شويه
زين..... عارف يا أمي ان لسه لكن مش هبعد أنا هفضل قريب وقاسم عارف
مريم.... مش هتتادب بقا وتقول اونكل او عمو
زين.... أنا اخدت على كده اسمه قاسم وبعدين
اهو مبيكبرش
قهقه مريم قائله.... ماشي يا زين انا راحه البس واشوف سلسبيل
زين.... كالعاده هتلاقيها قاعده مع بابا بتحكيله البطل عمل اي مع البطلة الروايات جننتها
مريم.... شاريه كتاب أميرة الرعد اللي نازل المعرض السنة دي ومهوسه ليه الكاتبة ندا الشرقاوي
زين.....ربنا يهديها
خرجت مريم رن هاتف زين ليجد رقم مجهول الهويه
زين.... الووو
لياتيه الرد..... زين أنا حااامل
زين........
