قصه كوميدي كامله
المحتويات
قاعدين فى المكتب
سوكة مش غريبة يعنى انهم يرفضوا الناس دى ويوافقوا علينا احنا بالذات
طبعا يا بنتى عاوزين يستفادوا من خبراتنا لمحوا فينا الذكاء الخارق
لا وكمان مضونا على العقود على طول انا مبسوطة اوى اخيرا هشتغل شغلانة عدلة ..
الباب اتفتح ودخل معتز ومعاه عماد سوكه او ما شافت معتز اتخضت هى وسندس الى قالتلها بصوت واطى
الفصل الرابع سوكة
سوكة پخوف بص .. انا بص .. انا مش انا خالص
سندس ولا انا كمان على فكرة انا معرفهاش ولسه متعرفة عليها دلوقتى ..
معتز بصلهم بغيظ وقال
بس انتى وهى انا عارف كويس انتم عملتم ايه وخصوصا انتى ..
كان بيشاور على سوكة الى رجعت لورا پخوف وقالت
عماد وقف قصادهم وقال
انتم فاكرين ان دخول الحمام زى خروجه .. انتم مش هتمشوا من هنا قبل ما تدفعوا تمن الى عملتوه
سوكة وسندس بصوا لبعض وسوكة قالت ي يعنى ايه انتم هتقتلونا !
سندس قربت منها وقالت پخوف
سس سوكة اتصرفى هما هيعملوللنا ايه دول شكلهم تجار اعضاء ..
سوكة وسع كده يا جدع من قدامى انا مبخفش على فكرة وممكن اديك شلوط يوديك أسيوط
معتز احنا مش حابسينكم على فكرة عاوزين تمشوا اتفضلوا عادى بس حضروا نفسكم عشان هنتقابل بكرة الصبح فالقسم
سوكة كانت هتمشي بس وقفت وقالت
احم قق قسم ايه .. هو انا اعرفك اصلا
عماد طلع تليفونه وقال
اتفرجى وشوفى كده الفيديو ده
سوكة وسندس مسكوا التليفون واتفاجاوا لما شافوا الكاميرا الى صورت سوكة وهى بتكسر العربية
عماد بس صاحبتك وشها باين واعتقد انها هتعترف عليكى يا اما هتشيل الچريمة لوحدها
سندس پخوف اا اشيل ايه ده انا رجلى مش شيلانى ... بص يا باشا هى هى الى كسرت العربية و
قاطعتها سوكة اسكتى الله يخربيتك ..
معتز ضحك وقعد على المكتب وقال
انتم كمان مضيتوا على عقود الشغل عندنا فالشركة ..
لا احنا خلاص رجعنا فى كلامنا مش هنشتغل
عماد فى شرط جزائى فالعقد بيقول ان الى عاوز يفسخ العقد يدفع مليون جنيه ..
سوكة اه يا حرامية يا ولاد ال
معتز ھجم عليها مسكها من قفاها وقال
بصي يا حلوة انا كان نفسى اقټلك دلوقتى على الى عملتيه بس انا بقى هاخد حقى بطرقتى
وبعد كام ساعة ..
فى بيت سوكة .. حنان كانت قلقانة عشان بتتصل بسوكة تليفونها مقفول راحت لزياد وقالت
ما تقوم يا زفت الطين انت دور على اختك شوفها فين الساعة داخلة على حداشر ولسه مرجعتش
هتكون فين يعنى تلاقيها فى القسم ضاربة حد ولا فى مستشفى بتخيط غرز
ياختاااى عليك انت بتفول على اختك بدال ما تقوم تدور وتشوفها راحت فين
جرا ايه يا ماما ما هو ايه الجديد ما هى سوكة كل يوم جيالنا بمشكلة وبتغيب غيبتها وترجع ببلوة
جه محسن وقال
فى ايه مالكم قاعدين كده وفين سارة
زياد لسه مرجعتش من برا
حنان شوف الواد بقوله قوم شوف اختك فين مش راضى
محسن قعد وقال
تلاقيها عند سندس وزمانها راجعة اتصلى عليها ولا على سندس
حنان يباااى على برودكم انا هقوم استناها فالبلكونة هات العواقب سليمة يارب ..
عند سوكة وسندس كانوا واقفين ماسكين مكانس وجردل مية وبينضفوا سوكة قالت
اه يا وسطى وضهرى الى اتكسروا يانى كان مالى انا ومال الشغلانة السودا دى
شوفتى عمايلك السودا ودتنا فين ياما قولتلك امشي جنب الحيط انما انتى مين دماغك ده فيه فردة كوتشى معفنة
وانا كنت هعرف منين اننا هنقابله هنا اهو حظنا المطين بستين نيلة الى خلانا نقابله تانى ..
لا يا سوكة لو مكنتيش بوظتيله العربية مكنش شغلنا عنده عمال نضافة ومسح بكرامتنا بورسلين الشركة ..
اوووف امسحى ياختى ونضفى خلينا نمشي من هنا انا اول مرة فى حياتى امى توحشنى كده ..
ردت عليها سندس بغيظ وقالت
توحشك !! وحشك قطر يا اختى .. بصي انا هقطع علاقتى بيكى من هنا ورايح
بت احسن بردو انا مش طيقاكى
جوه المكتب كان معتز وعماد قاعدين بيتفرجوا على الكاميرات الى بتصور سوكة وسندس معتز ابتسم وقال
بس تصدق فكرة العقد الى مضتهم عليه دى فكرة حلوة اوى .. انا لولا بالصدفة شوفت الى اسمها سارة مكنتش جيتلك المكتب وقولتلك
ايوه مانا لما فكرت لقيت احسن حل اننا نمضيهم على عقود يشتغلوا عندنا عمال نضاقة بشرط جزائى مليون جنيه ..
هههه طيب انا هقوم اغلس عليهم شوية
عماد ضحك وقال
لا بص كفاية
متابعة القراءة
