قصه كوميدي كامله

حاسة انى هتجلط بسببك
ليه بس كده يا ماما يعنى كنتى عوزانى اتجوزه !
جه زياد وقال 
اه وتبقى الزوجة الرابعة للمعلم حسنى
اسكت يا البحر انت
حنان لا يا بقرة احنا كنا هنرفضه بس بالزوق من غير قلة الأدب
سوكة اهو الى حصل بقى انا مكنتش اقصد ..
محسن ابو سوكة كان راجع من الشغل والمعلم حسنى كان واقف مستنيه وقاله 

بقولك ايه يا اسطى محسن انت تلم كراكيبك وتاخد عيالك ويلا من هنا انا عاوز الشقة
ليه كده بس يا معلم ما احنا بندفع الايجار فى ميعاده
لا بعد الى بتك عملته فيه قدام الناس ملكوش قاعدة هنا
منك لله يا سوكة .. قولى بس هى زعلتك فى ايه وليك عندى هقرصلك ودانها
ده انت لو سلختها حتى مش هتقعدوا فى الشقة دى يوم تانى
ابو سوكة طلع الشقة هو متغاظ وحنان شافته وقالت 
اهدى يا خويا كده انت مش حمل زعل ولا عصبية
شوفتى المصېبة الى بنتك حطتنا فيها المرة دى
شوفت بعينى محدش قالى
وهنعمل ايه انا خلاص زهقت من كتر بنغير الشقق
بص يا خويا البت دى احنا نتخلص منها ونجوزها المعلم واهو نبقى اكلنا لحمة ببلاش وبردو فضلنا قاعدين فالشقة ..
لا انا هجوزها لمحروس ابن خويا
يا زين ما اخترتك انا معاك فى الى هتعمله بس اهدى كده وبلاش عصبية ..
فى اوضة سوكة زياد دخل عليها وقال 
هههه ابوكى هيجوزك لمحروس ابن عمك
محروس ده ايه ان شاء الله انسى .. ده انا الم هدومى واطفش من البيت واجبلكم العاړ

ياريت تطفشى اهو نكون خلصنا من مصايبك وابوكى يشم نفسه شوية
بقى كده يا كلب البحر انت تصدق خسارة فيك الاندومى الى كنت بعملهالك
كان طعمها يقرف شبهك ..
اه يا بن المضايقة طب قوم اخفى من وشى عشان انا فاضلى تكة وههب فى وشك زى البوتجاز ..
لا وعلى ايه انا اصلا ماشي بس خليكى فاكرة الى بيحصلك ده لعڼة ال ٢٠٠٠ جنية الى نصبتى عليه فيهم
شششش ولااااا... طير يلا واقفل الباب وراك لما افكر انا هعمل اين فالمصېبة دى ..
سندس اتصلت بسوكة وقالت 
بقولك ايه سيبك من العك ده دلوقتى فى شركة جديدة طالبة ناس تشتغل عاوزين نلحق نقدم فيها
سوكة شركة ايه دى بس يا سندس دول بيحتاجوا خبرة وكورسات وۏجع دماغ
لا مكتوب فالاعلان مش شرط الخبرة اهم حاجة تكونى ممشوقة القوام وتمتلك سرعة بديهة
قوام وعرفناها انما البديهة دى الله اعلم
انا عن نفسي فيه المواصفات المطلوبة وممشوقة القوام
.. قوام ده ايه هو انتى مرايات بيتكم متكسرة يا بنتى احنا الى زينا معندهمش قوام اصلا
وليه الاحباط ده تعالى بس نروح نقدم بكرة يمكن يقبلونا
ماشي يكش تكون شغلانة عدلة ونقبض بالدولار ونقب على وش الدنيا ..
تانى يوم سوكة كانت خارجة من اوضتها حنان شافتها وقالت
انتى يا بت الموكوسة سيبانا محتاسين ورايحة فين
رايحة اقدم على وظيفة جديدة
وده وقته تعالى لمى معايا الحاجات دى عشان المعلم ادالنا مهلة لاخر الاسبوع
مش وقته يا حنون خليها لما ارجع
بت خدى هنا .. بت يا سوكة
بعد شوية فى الشركة
معتز وعماد كانو واقفين بيتكلموا .. معتز ده بقى يبقى مدير مجموعة شركات النواس وعماد صاحبه مسئول عن الشئون القانونية ..وصاحب الشركة اصلا يبقى ابو نواس
معتز قال ها يا عمدة وصلت للبت دى
رد عليه عماد بغيظ لا موصلتش وشكلنا كده مش هنوصل لحاجة ربنا يعوض علينا
معتز يا ابنى دا انا صرفت كل الى الفلوس الى حيلتى على تصليح العربية ويارتها طلعت زى الاول
ما انت رايح تصلحها عند اشرف مسمار الى اخره يصلح تكاتك مش رانج روفر
اهو على قد فلوسي انت يعنى كنت عاوزنى اعمل ايه
ولا حاجة المهم انا هروح عشان اشوف البنات الى هتتعين جديد واحضرلهم العقود
طيب تمام وانا هراجع على كام ورقة كده قبل الاجتماع
هو ابو نواس راجع امتى
اخر الشهر ده
تمام اهو تكون العربية اتصلحت .
سندس وسوكة كانوا واقفين فى وسط الزحمة 
يارب يارب الشغلانة دى تكون من نصيبنا
شايفة كمية البنى آدمين الى هيقدموا فالوظيفة انتى متخيلة انهم هيسيبوا كل دول ويشغلونا احنا
اه ان شاء الله لو بيفهموا هيشغلونا .. دول بنات جايبن للمرقعة وقله الادب مش شايفة لبسهم عامل ازاى
اده مش دى البت سوزى بتاعة آداب
آداب ايه استغفر الله انتى تعرفى الاشكال دى
يا بت خريجة كلية الآداب ... اده دى شكلها نفخت ولا حقنت دى اتغيرت خالص
يلا هى جت عليها أراهنك ان كل البنات دول نافخين دى بقيت موضة هذا العصر ..
على رأى المثل علبة المكياج النضيفة تعمل من الخدامة مضيفة 
ششش طب اسكتى شوية بينادوا على الاسامى ..
اخر النهار ..
سوكة وسندس كانوا