الادهم ومجنونته

كل عريس دي ودخلت اوضتي 
بصيت لنفسي في المرايه وبصيت للبسي وانا بلف يمين وشمال وشعري كان معمول ديل حصان وكنت لابسه كاب وتيشيرت بنص كم وبنطلون رياضة 
والله انتي قمر يا بوسي هو في حد في جمالك طبعت  علي المرايه ومسكت تلفوني وفتحت فيسبوك وقعدت اقلب شويه فيه بدل الزهق دا لمحت صوره لمريم صحبتي وهيا معاها واحد وبتقول الحمد لله الذي بنعمته تتم الصالحات وحاطه قلب احمر 
يابنت المفلقه قولتها بصوت عالي وبعدين جبت رقمها واتصلت وقولت پغضب بق انتي پتخوني العهد يا واطيه! 
صوت مريم بتوتر يا بوسي مانا هعمل ايه الواد قلبي دقلوا وقالي هو دا هو دا 
اتريقت علي كلامها هو دا هو دا دا انا هطين عيشتك بس اما اشوفك 
مريم يابت بق متنشفيش دماغك وبعدين انتي ليه محسساني انك ولد ومفيش جواكي انثي 
متنسيش نفسك يا بوسي انتي قمر وآلف مين يتمناكي وبعدين يا ستي صدقيني اول ماقلبك يدق هتنسي اي حاجه في الدنيا وكل الي هيبق همك تقضي معاه باقي العمر 
بصراحه مريم لما قالت كدا انا سكت ومردتش وحسيت بقلبي اداني اشاره كدا انو موجود ويقدر يحب عادي رديت بتوتر كدا وقولت ماشي يا مريم خلي الحب ينفعك وقفلت التليفون! 
وقومت اابص من الشباك بتاعي لقيت شلتي بتلعب كوره بس لاول مره احس اني مفيش شغف ومش عاوزه انزلهم كل الي حواليا بيقولولي اني بنت ومن حقي اعيش اونوثتي ومينفعش اډفنها بالبس الولادي وشخصيتهم دي قومت وقربت من دولابي وطلعت منو فستان من الي ماما دائما بتجيبهولي وانا بركنه زي الي  
غمضت عيني كدا وبعدين لبسته وبصيت في المرايه اتفجأت اوي من شكلي كان حلو اوي عامله كدا زي الممثلات الاجنبيه 
فردت شعري وعجبني شكلي اوي خرجت من اوضتي ولقيت ماما في المطبخ نزلت من العماره والغريب بق ان محدش عرفني قربت من مصطفي صحبي وسألتو بصوت هادي فين اخر الشارع
لقيتوا باصصلي من فوق لتحت وصفر وقال من هنا يا وتك ه 
بصيتلو پصدمة وكنت هرزعه قلم بس قلت مش عاوزه اعرفهم ان انا 
هزيت راسي وشكرته ومشيت ووقتها لقيت الشباب الي في المنطقه كلهم بيصفروا وواحد بيقولي !! علي فين يا جميل!
مردتش عليه وكملت كلامي وكل خطوة بخطيها الاقي واحد غيرو بيعاكس 
كنت مستغربه اوي من الي شيفاه وبسمعه ! وانا لابسه اللبس الرجالي مكنش حد بيبص في وشي خمس دقايق علي بعض ودلوقت بقيت بسمع كل المغازلات دي !! 
فضلت ماشيه لحد ما طلعت علي الكرنيش وبصيت للبحر كدا من بعيد واخدت نفس طويل و اي دا هو انتو من سعتها بتسمعوا قصتي من غير ما تعرفوني خلاص يا جماعه انا هعرفكم بنفسي 
اسمي بوسي صحيح الاسم غريب حبتين لان لما شاوفتوني في الاول باللبس الرجالي مش هتصدقوا ان اسمي دلوع كدا لا انا اسمي بوسي عادي دا بابا الله يرحموا هوا الي اختارهولي لما اول ماشافني ولقاني عيوني خضرا وجمال ايه قال هندلعها واسميها بوسي محدش يعرف لحد دلوقت مين بوسي دي الي سماني علي اسمها بس عادي بق مش مشكلة هوا حاليا الله يرحموا فوق عند ربنا 
المهم

عندي ٢٣ سنه معايا دبلوم تجاره اخدته وقعدت علي طول علشان ماما حالتها علي قدها ومعهاش حق مصاريف الكليه!
فانا. راضيه تماما علي نصيبي وكنت بشتغل شويه في صيدليه بس سيبت الشغل علشان كنت بتضارب مع الزباين الرخمه الي اسألتها كاير لاني زي منتو شايفين