المشاغبه كامله

اول مرة اعرف انك مش راجل لو راجل بجد كنت واجهت مشاكلك مش هربت منها ورجعت للسفالة اللي كنت بتعملها زم... ما كملتش كلامها ولقت مارد جايبها من شعرها وبيقول پغضب چحيمي ... انا هاعرفك أنا راجل ولا لا .. أنتي فاكرة اني هابقي ضعيف عشان بحبك لا فوقي دانا ادوسك برجلي 
مارد ماكانش واعي للي بيقوله كانت مسيطرة عليه مشاعر سلبية عايز يطلعها في اي حد وللأسف جات في انجل 
مارد كان بيحسب انجل من شعرها وبيطلع بيها برا القصر وهي بتصرخ بأعلي صوت ليها وتقول .. ماما جميلااااااااا الحقيني يا ماما مارد هيموتني يا مارد فوق بقي حرام عليك أنا آسفة ااااااي سيب شعري يا مامااااا
جميلة صحيت علي صوت صړاخ انجل نزلت لتحت بس مالقيتش الا البنتين فكرت أنها بتحلم 
نزلت بهدوء وسألت البنات .. انتوا مين وايه اللي جابكم هنا ف ساعة

زي دي اقدر اساعدكم 
واحدة ميلت ع التانية وطرقعت اللبانة وقال ... هي مالها المرا دي زي ما تكون خارجة من مسلسل هوانم جاردن سيتي ايه الهدوء دا 
التانية ... أنا عارفة بقي وقالت لجميلة ... اسمعي يا هانم احنا لقينا المارد باشا ممدد شوية قدام الكباريه وشكله سکړان طينة فقولنا نوصله من كرم أخلاقنا وطيبة اصلنا 
البنت التانية وكزت الأولي في كتفها وقالت ... اتكي علي طيبة اصلنا دي يا بت داحنا اطيب م الطيابة هيهيهيهئ
البنت الأولي .... حصل يا اوختشي هيهيهئ 
جميلة بحزن ... فين مارد 
البنت لوت بقها وقالت ... كان مزاجه حلو ورايق جات بنت اللهي يعكر مزاجها وقال ايه بتقوله انت مش راجل مسم طب كانت تسألنا احنا وكنا نقولها أنه راجل اوي ضړبت كفها في كف زميلتها وقالوا ... هيهيهيهيهئ
جميلة بقلق ... وراحوا فين 
البنت ... تلاقي المارد باشا راح يتاويها مهي غلطانة . نهايته يلا يابت يا اوشة نروح نشقطلنا حد غيره
اوشة وهي بترقع لبانة... يلا يا اوختشي نابنا طلع علي فشوش خرجوا البنتين وواحدة بتقول للتانية ... ايه رأيك في التنين اللي رسمته علي رقبتي دا يا بت 
التانية ... بلا نيلة يا اوختشي دا شكله فقري ونحس اهو الزبون طار من أيدينا مارسمتيش ليه حية احسن اقله مجربنها هيهيهي
اوشة .. خيرها في غيرها يا بت .
خرجوا 
وجميلة خرجت في الجنينة بصت يمين وشمال مالقيتش حاجة فضلت تلف في الجنينة تدور علي مارد وانجل 
في مخزن ضلمة ورا القصر 
مارد رمي انجل ع الأرض پعنف وقال لها .. أنا مش راجل يا بت انا غلطان اني دلعتك انتوا كلكم صنف واحد ما تستهلوش الواحد يضيع حياته عشانكم 
انجل حرفيا كانت مڼهارة مش بس من الضړب لا كمان من إهانة مارد ليها 
كان مارد خلاص هيخرج جريت انجل عليه ومسكت رجله وهي بتترجاه مايقفلش الباب لأنها پتخاف م الضلمة بس هو ماكانش في وعيه وزقها وقفل عليها الباب 
انجل فضلت تصرخ وټعيط وتقول ... يا مااارد بالله عليك فوق بقي افتحلي أنا بخاف م الضلمة 
مارد اخد المفتاح ورجع القصر جميلة شافته قربت عنده وقالت بقلق ... فين انجل 
مارد ... پغضب چحيمي ... ابعدي عني 
وسابها وحط المفتاح في جيبه وطلع أوضته رمي نفسه ع السرير ونام بهدومه وجزمته
جميلة سمعت صوت خبط جي من المخزن راحت لانجل لقتها مڼهارة بكل معني الكلمة ومړعوپة 
جميلة فضلت تطمنها وتقول ... انجل اسمعيني يا حبيبتي انا هافضل جمبك ماتخافيش 
انجل كانت تتسند ع الحيطان عشان توصل للباب لحد ما وصلت و بقت هي من جوا وجميلة من برا 
هديت شوية واطمنت 
جميلة ... ايه اللي حصل يا انجل احكيلي يا حبيبتي هو ليه حبسك كده دا عمره ما مد أيده عليكي 
انجل حكت كل حاجة لجميلة 
جميلة ... انجل ما تظلميش مارد البنات دول لقوه واقع قدام الكباريه وجابوه وهو تقريبا مش حاسس بحاجة هما قالولي كده ومالهومش مصلحة أنهم يكدبوا أو يداروا عليه 
انجل فضلت ټعيط وهي بتحكي لجميلة اد ايه ضربها واذاها 
جميلة .. مارد مش في وعيه يا انجل صدقيني لما يفوق هيعرف غلطه 
انجل وهي بټعيط ... لا أنا مش هسامحه 
جميلة .. تحبي احكيلك حدوتة 
انجل بفرحة .. ياريت ماتبطليش تتكلمي يا ماما جميلة عشان ما اخافش 
فضلت جميلة تحكي لانجل حواديت لحد ما عرفت انها نامت لأنها ما رديتش عليها قامت جميلة هي كمان مددت علي كنبة كانت جمب باب المخزن ونامت 
مارد وهو نايم وبيحلم شاف انجل في حتة ضلمة والباب مقفول وهو مش عارف يدخلها ولا هي عارفة تخرج فضل ينادي عليها وهي بتبعد عنه وتتوغل في الضلمة كان هيتجنن حرفيا عليها وفجأة صړخ ... انجيييييل في اللحظة دي صحي م النوم مسك راسه م التعب بص حواليه مالقاش انجل قلق اكتر وبعدين غمض عينيه من الصداع فجي قدامه مشهد جرجرته لانجل من شعرها ع المخزن فتح عينيه بسرعة وقال .. مستحيل